Read Caribbean Javanese Masmur 13 Bible Online

Masmur 13 - Caribbean Javanese bible

Masmur 13

¹Kanggo juru penyanyi. Masmuré Daved.

²Duh GUSTI, nganti pira suwéné menèh enggèn Panjenengan ora éling kula? Nganti pira suwéné menèh enggèn Panjenengan nutupi praupan Panjenengan marang kula?

³Nganti mbésuk kapan enggèn kula kudu ngrasaké kuwatér, lan anggèné ati kula sedih ing saben dina? Nganti mbésuk kapan satru kula anggèné ngungkuli kula?

⁴Duh GUSTI, Gusti Allah kula, Panjenengan supaya gelem weruh, gelem nyauri kula; mripat kula dipadangi supaya kula aja nganti turu terus mati;

⁵lan supaya satru kula aja nganti omongan mengkéné: “Wis tak asoraké,” apa menèh mungsuh kula aja nganti surak-surak, yèn kula gloyoran.

⁶Nanging kula pertyaya marang kawelasan Panjenengan, ati kula bungah-bungah awit sangka pitulungan Panjenengan. Aku arep ngidung kanggo GUSTI, awit wis ngekèki sing apik marang aku.