Read Caribbean Javanese Masmur 132 Bible Online

Masmur 132 - Caribbean Javanese bible

Masmur 132

¹Kidung jiyarah. Duh GUSTI, Panjenengan supaya éling marang Daved lan kabèh kasusahané;

²anggèné sumpah marang GUSTI, lan ngetokké janji marang Gusti Allahé Yakub, sing Mahakwasa:

³“Tenan kula ora bakal mlebu ing tarup kula, lan ora munggah menyang ambèn kula,

⁴ya ora nglilani mripat kula turu utawa ngliyepké mripat kula,

⁵nganti kula olèh panggonan kanggo GUSTI, panggonan kanggo sing Mahakwasa, Gusti Allahé Yakub.”

⁶Kita pantyèn wis pada krungu bab kuwi ing Efrata, wis olèh ing ara-ara Yaar.

⁷“Hayuk pada mlebu menyang griyané Gusti Allah, pada sujut nyembah ing ngarepé antyik-antyiké damparé.”

⁸Duh GUSTI, Panjenengan supaya ngadek lan lungaa menyang panggonan-Mu, Panjenengan karo peti perjanjian kekuwatan-Mu.

⁹Para imam Panjenengan supaya nganggo sandangan kabeneran, lan para katrésnan Panjenengan pada surak-suraka!

¹⁰Awit sangka Daved, abdi-Mu, supaya Panjenengan aja nampik wong sing dijebati Panjenengan.

¹¹GUSTI wis ngomong marang Daved karo sumpah, sing mesti ora bakal disélaki: “Sakwijiné turunanmu bakal Tak jagongké ing damparmu;

¹²angger turunanmu tetep enggoné nggatèkké perjanjian-Ku, lan kabèh pernatan-pernatan sing Tak wulangké marang dèwèké, anak putuné turunanmu ing sak lawas-lawasé bakal pada lungguh ing damparmu.”

¹³Awit kuta Sion sing wis dipilih karo GUSTI, dikarepké dadi griyané.

¹⁴“Iki panggonan-Ku selawasé, ing kéné enggon-Ku bakal manggon, awit kuwi sing Tak karepké.

¹⁵Panguripané bakal Tak berkahi nganti lubèr, lan wong mlarat bakal Tak wareki karo roti.

¹⁶Para imamé bakal Tak sandangi keslametan, lan para wong sing bener bakal pada surak-surak awit sangka bungahé.

¹⁷Ing kono Aku bakal ngetokké sungu kanggo Daved, lan sing Tak jebatani bakal Tak tyepaki dimar.

¹⁸Mungsuhé bakal pada Tak enggoni sandangan sing kebak kewirangan, nanging Daved kuwi bakal nganggo makuta sing semlorot.”