Read Caribbean Javanese Masmur 136 Bible Online

Masmur 136 - Caribbean Javanese bible

Masmur 136

¹Pada memujia marang GUSTI, awit Panjenengané kuwi betyik! awit langgeng katrésnan-Né.

²Pada memujia marang Gusti Allahé para allah, awit langgeng katrésnan-Né.

³Pada memujia marang Gustiné para gusti, awit langgeng katrésnan-Né.

⁴Marang Panjenengané piyambak sing nindakké mujijat gedé, awit langgeng katrésnan-Né.

⁵Marang Panjenengané sing nggawé langit karo kawityaksanan, awit langgeng katrésnan-Né.

⁶Marang Panjenengané sing njèrèng bumi dasaré banyu, awit langgeng katrésnan-Né.

⁷Marang Panjenengané sing nggawé barang-barang gedé sing madangi langit, awit langgeng katrésnan-Né.

⁸Srengéngé sing ngwasani awan, awit langgeng katrésnan-Né.

⁹Lan mbulan lan lintang-lintang sing ngwasani ing wayah mbengi, awit langgeng katrésnan-Né.

¹⁰Sing matèni para mbarepé wong Egipte, awit langgeng katrésnan-Né.

¹¹Lan nuntun Israèl metu sangka sak tengahé, awit langgeng katrésnan-Né.

¹²Karo tangan-Né sing rosa lan karo ngatungké lengen-Né, awit langgeng katrésnan-Né.

¹³Segara Abang dibukak dadi loro, awit langgeng katrésnan-Né.

¹⁴Lan nyabrangké Israèl metu sangka tengahé, awit langgeng katrésnan-Né.

¹⁵Parao sak balané diklelepké ing segara Abang, awit langgeng katrésnan-Né.

¹⁶Gusti Allah sing nuntun mlakuné umaté metu segara wedi, awit langgeng katrésnan-Né.

¹⁷Sing ngalahké perangé ratu gedé-gedé, awit langgeng katrésnan-Né.

¹⁸Para ratu sing kwasa pada dipatèni, awit langgeng katrésnan-Né.

¹⁹Sihon, ratuné bangsa Amori, awit langgeng katrésnan-Né.

²⁰Lan Og, ratu Basan, awit langgeng katrésnan-Né.

²¹Negarané terus dikèkké dadi pandumané, awit langgeng katrésnan-Né.

²²Dadi pandumané Israèl, abdi-Né, awit langgeng katrésnan-Né.

²³Gusti Allah sing éling kita sak njeruhné kita asor, awit langgeng katrésnan-Né.

²⁴Pada diluwari sangka tangané mungsuh kita, awit langgeng katrésnan-Né.

²⁵Uga ngekèki pangan marang kabèh sing urip, awit langgeng katrésnan-Né.

²⁶Pada memujia marang Gusti Allahé swarga, awit langgeng katrésnan-Né.