Read Caribbean Javanese Masmur 137 Bible Online

Masmur 137 - Caribbean Javanese bible

Masmur 137

¹Ing pinggir kali Babèl kita pada ndéprok karo nangis, yèn kita kèlingan kuta Sion.

²Siter kita pada kita tyantolké ing wit gandurasa ing kono.

³Awit ing kono wong-wong sing pada nyekel kita, njaluk supaya kita pada nggawé kidungan, lan wong sing nyiksa kita kuwi pada njaluk kidung kabungahan: “Kita pada dikidungké, kidungé sangka Sion.”

⁴Kepriyé bisané pada nggawé kidungé GUSTI ing negara mantya?

⁵Yèn aku lali marang kowé, hé Yérusalèm, garinga tanganku tengen!

⁶Ilatku kelèta ing tyetak, yèn aku ora tetep éling marang kowé, lan yèn Yérusalèm ora ndadèkké makutané kebungahanku?

⁷Duh GUSTI, Panjenengan supaya éling turunané Edom, ing dina kasusahané Yérusalèm ngomong: “Gempuren, gempuren tekan dasaré pisan!”

⁸Hé anak wadoné Babèl, sing seneng nglarani, rahayu wong sing nindakké balesan marang kowé, kanggo penggawé sing kok tindakké marang kita!

⁹Rahayu wong sing pada nyekeli anak-anakmu, terus pada dibantingi ing watu.