Read Caribbean Javanese Masmur 138 Bible Online

Masmur 138 - Caribbean Javanese bible

Masmur 138

¹Masmuré Daved. Panjenengan bakal kula puji karo sak kabèhé ati, ing ngarepé para allah kula bakal ngidung masmur kanggo Panjenengan.

²Kula bakal sujut madep griya-Mu sing sutyi, lan memuji marang asma-Mu, awit sangka kawelasan lan kasetian-Mu, awit asma-Mu lan perjanjian-Mu, Panjenengan gawé ngluwihi samubarang.

³Bareng kula sambat, Panjenengan terus nuruti kula, Panjenengan nambahi kekuwatan ing ati kula.

⁴Duh GUSTI, kabèh ratu ing bumi bakal pada ngluhurké Panjenengan, awit pada ngrungokké janji sangka tembung Panjenengan;

⁵pada bakal ngidungké dalan-dalané GUSTI, awit gedé kamulyané GUSTI.

⁶GUSTI kuwi luhur, nanging weruh marang wong asor, lan sing gemunggung pada didelok sangka kadohan.

⁷Yèn kula ing njeruhné kangèlan, Panjenengan sing nguripké kula, Panjenengan ngelungké tangan-Mu marang nesuné para mungsuh kula, lan kula ditulungi karo tangan-Mu tengen.

⁸GUSTI bakal ngrampungké samubarang kanggo kula! Duh GUSTI, kawelasan-Mu kuwi langgeng tekan sak lawasé. Panjenengan supaya aja nganti ninggalké penggawéané tangan-Mu.