Read Caribbean Javanese Masmur 14 Bible Online

Masmur 14 - Caribbean Javanese bible

Masmur 14

¹Kanggo juru penyanyi. Masmuré Daved. Wong gemblung ngomong ing sak njeruhné atiné: “Ora ana Gusti Allah.” Apa sing dilakoni kuwi reget lan ala, ora ana sing nglakoni kabetyikan.

²Sangka swarga GUSTI ndeleng mengisor marang para anak-anaké manungsa, gelem weruh apa ana sing kanggonan akal pikiran lan nggolèki Gusti Allah.

³Wis pada nyimpang kabèh, kabèh wis bejat ora ana sing nggawé betyik, siji waé ora ana.

⁴Apa ora rumangsa kabèh wong sing pada nglakoni sing ala, sing pada mangan umat-Ku nganti entèk kaya mangan roti waé, lan sing ora nyebut marang GUSTI?

⁵Ing kana pada katekan rasa wedi banget, awit Gusti Allah ing sak tengahé golongané wong bener.

⁶Kowé pada bisa ngelok-elokké kekarepané wong sing ditindes, nanging GUSTI ngadek dadi pengayomané.

⁷Supaya keslametané Israèl teka sangka Sion! Yèn GUSTI mulihké kahanané umaté, Yakub bakal surak-surak, Israèl bakal seneng-seneng.