Read Caribbean Javanese Masmur 140 Bible Online

Masmur 140 - Caribbean Javanese bible

Masmur 140

¹Kanggo juru penyanyi. Masmuré Daved.

²Duh GUSTI, kula supaya Panjenengan owalké sangka wong ala, lan Panjenengan jaga aja nganti tiba ing tangané wong sing seneng nglarani,

³sing pada ngrantyam-ngrantyam ala ing njeruhné ati, lan saben dina nggosok-nggosok supaya perang!

⁴Pada nglandepké ilaté kaya ula, ratyuné ula upas ing lambéné. Sela

⁵Duh GUSTI, kula supaya Panjenengan jaga aja nganti tiba ing tangané wong duraka, lan ing tangané wong sing ala lan pada ngupaya nibakké kula.

⁶Wong kurang ajar karo meneng-meneng pada masangi jiret kula, lan masang tali-tali didadèkké jaring, pada masang kala ing sak uruté dalan. Sela

⁷Tembungku marang GUSTI: “Panjenengan kuwi Gusti Allah kula, duh GUSTI, Panjenengan supaya gelem ngrungokké marang sambat kula.”

⁸Duh GUSTI, Gusti kula, kekuwatané keslametan kula, Panjenengan sing ngayomi sirah kula yèn perang.

⁹Duh GUSTI, supaya aja nganti nuruti karepé wong duraka, aja nuruti rantyamané sing goroh. Sela

¹⁰Wong sing ngepung kula pada ndangak, sepata-sepatané nibani wong-wong kuwi déwé.

¹¹Bèn, Gusti nibani udan karo mawa geni! dityemplungké ing jurang, terus ora bisa mentas menèh.

¹²Tukang nyebar goroh ora bakal tetep urip ing bumi, wong sing nindakké duraka bakal diuber karo tyilaka.

¹³Kula ngerti, yèn GUSTI bakal ngadili perkarané wong sing ditindes, lan bakal mbélani perkarané wong ringkih.

¹⁴Tenan para wong bener bakal pada memuji marang asma-Mu, lan para wong jujur pada bakal manggon ing ngarep-Mu.