Read Caribbean Javanese Masmur 141 Bible Online

Masmur 141 - Caribbean Javanese bible

Masmur 141

¹Masmuré Daved. Duh GUSTI, kula sambat marang Panjenengan, kula supaya Panjenengan tekani, supaya ngrungokké swara kula yèn kula sambat marang Panjenengan.

²Pandonga kula supaya dadia kaya kurban dupa wangi kanggo Panjenengan, lan tangan kula sing kula unggahké dadia kaya pisungsung kurban ing wantyi soré.

³Duh GUSTI, Panjenengan supaya ngawat-awati tutuk kula, lawangé lambé kula supaya Panjenengan jaga.

⁴Ati kula supaya aja Panjenengan tujokké marang ala, supaya aja nganti nindakké penggawé sing duraka, bareng karo wong sing nandangi ala, lan kula aja nganti ngrasaké pangané sing énak-énak.

⁵Yèn wong bener nggepuk kula, kuwi katrésnan; lan yèn ngukum aku, dadi balsem ing sirah kula. Tenan kula tansah ndedonga nglawan penggawéané wong ala.

⁶Yèn wong-wong iki dipasrahké marang para rèkter, mesti bakal krungu, yèn tembung kula kuwi betyik.

⁷Kaya watu sing disigar lan diremuk ing lemah, mengkono uga balung-balungé pada pating slebar ing bolongané ndonyané wong mati.

⁸Awit GUSTI, Gusti Allah kula, mripat kula nyawang marang Panjenengan, kula ndelik marang Panjenengan, Panjenengan aja nganti mbanting kula.

⁹Panjenengan supaya gelem ngayomi kula aja nganti kenèng karo jiret, sing dipasang kanggo kula, karo jireté wong sing nindakké ala.

¹⁰Wong duraka pada bakal tiba bareng karo jaringé déwé, nanging kula bisa ngontyati.