Read Caribbean Javanese Masmur 142 Bible Online

Masmur 142 - Caribbean Javanese bible

Masmur 142

¹Kidung piwulang masmuré Daved, waktu ing guwa; sakwijiné pandonga.

²Aku nyebut marang GUSTI karo swara banter, karo swara banter enggonku ndedonga marang GUSTI.

³Tangisanku tak esokké ing ngarepé Gusti, kangèlanku tak pasrahké marang Panjenengané.

⁴Yèn ati kula semplak, Panjenengan weruh mlaku kula. Ing dalan sing kula liwati, wong kuwi pada masang jiret karo ndelik kanggo kula.

⁵Kula nyawang nengen lan ngawas-awasi, ora ana wong siji waé sing perduli marang kula; panggonan pangayoman kula wis ilang, ora ana wong siji waé sing nggolèki kula.

⁶Duh GUSTI, kula sambat marang Panjenengan, tembung kula: “Panjenengan kuwi panggonan pangayoman kula, ya panduman kula ing negarané wong urip!”

⁷Panjenengan supaya gelem ngrungokké sambat kula, awit kula wis ringkih banget, Panjenengan supaya gelem ngutyuli kula sangka wong sing pada ngoyak-oyak kula, awit kekuwatané ngliwati kula.

⁸Kula supaya Panjenengan tulungi sangka ukuman supaya bisaa ngelem-elem asma-Mu. Para wong bener pada bakal ngubengi kula, yèn Panjenengan nindakké katrésnan marang kula.