Read Caribbean Javanese Masmur 146 Bible Online

Masmur 146 - Caribbean Javanese bible

Masmur 146

¹Haléluya! Duh nyawaku, memujia marang GUSTI!

²Aku bakal ngluhurké GUSTI sakjeku urip, Gusti Allahku bakal tak puji karo masmur sak suwéné aku ijik urip.

³Aja pertyaya marang para penggedé, lan marang anak-anaké manungsa sing ora bisa ngekèki keslametan.

⁴Yèn nyawané pedot, terus bali menyang lemah; ing dina kuwi uga kekarepané entèk.

⁵Rahayu wong sing nduwèni Gusti Allahé Yakub dadi pinulungé, sing pengarep-arepé marang GUSTI, Gusti Allahé,

⁶Panjenengané sing nggawé langit lan bumi, segara lan sak isiné kabèh, sing tetep setia tekan selawasé,

⁷sing jejekké keadilan kanggo wong sing pada ditindes, sing ngekèki pangan marang wong sing pada kaliren, GUSTI ngluwari wong sing pada diukum.

⁸GUSTI melèké mripaté para wong lamur, GUSTI jejekké para wong sing ndingkluk, GUSTI trésna marang para wong adil.

⁹GUSTI njaga marang wong mantya, botyah lola lan randa pada dikuwatké menèh, nanging dalané wong duraka diénggoké.

¹⁰GUSTI kuwi dadi Ratu sak selawasé, Gusti Allahmu, hé Sion, turun-temurun. Haléluya!