Read Caribbean Javanese Masmur 149 Bible Online

Masmur 149 - Caribbean Javanese bible

Masmur 149

¹Haléluya! Pada memujia kidungan anyar kanggo GUSTI! Panjenengané kidungna pamuji ing pasamuané para wong bener.

²Bangsa Israèl bèn bungah-bungah awit sangka Gusti Allah, sing nggawé, para anaké Sion bèn pada surak-surak awit sangka Ratuné.

³Kuwi bèn pada memuji asmané karo jejogètan, lan bèn pada ngidungké masmur kanggo Panjenengané karo swarané terbangan lan siter,

⁴awit GUSTI seneng marang umaté, para wong andap asor bakal dimakutani karo keslametan.

⁵Para wong bener bèn pada bungah sak njeruhné kamulyan, pada surak-surak ing peturoné.

⁶Kidung panggunggung marang Gusti Allah bèn ing gorokané, lan tangané bèn pada nganggo pedang sing landepé kiwa-tengen,

⁷digawé nindakké balesan marang para bangsa, lan kanggo nyiksa marang para taleré bangsa,

⁸kanggo mbanda para ratuné karo ranté, lan para penggedéné karo banda wesi,

⁹kanggo mulangi paukuman marang wong-wong kuwi kaya sing wis ketulis. Kuwi kamulyané kabèh para sing ditrésnani. Haléluya!