Read Caribbean Javanese Masmur 16 Bible Online

Masmur 16 - Caribbean Javanese bible

Masmur 16

¹Miktam. Masmuré Daved. Duh Gusti Allah, Panjenengan supaya gelem njaga kula, awit kula ndelik marang Panjenengan.

²Tembungku marang GUSTI mengkéné: “Panjenengan kuwi Gusti kula, kanggo kula ora ana sing apik kejaba Panjenengan.”

³Para sutyi ing tanah kéné, kuwi wong mulya sing tansah dadi kebungahan kula.

⁴Wong sing nyembah allah liyané kuwi kasusahané mundak gedé; kurbané ngesokné getih, kula ora mèlu masrahaké; jenengé uga ora kula omongké ing lambé kula.

⁵Duh GUSTI, Panjenengan sing dadi panduman warisan lan tuwung kula. Panjenengan piyambak sing ndadèkké panduman sing dilotré marang kula bisa lestari.

⁶Tibané tali kanggo ngukur sing kanggo kula ing panggonan sing nyenengké; lemah panduman kula nyenengké ati kula.

⁷Aku ngelem-elem marang GUSTI, sing ngekèki pinuntun marang aku; malah ing wayah mbengi pikirané atiku mulangi aku.

⁸Aku tansah madep marang GUSTI, yèn Panjenengané ngadek ing tengenku, aku mesti ora nganti gloyoran.

⁹Mulané atiku bungah-bungah lan nyawaku surak-surak, malah dagingku bakal manggon karo tentrem.

¹⁰Awit Panjenengan ora masrahaké kula ing panggonané wong mati; Panjenengan ora nglilani yèn katrésnan Panjenengan nganti weruh kuburan.

¹¹Panjenengan sing nduduhké dalané urip marang kula; kebungahan ditemokké lubèr ing ngarepé Panjenengan; ing tangan Panjenengan sing tengen ana sing énak sing langgeng.