Read Caribbean Javanese Masmur 24 Bible Online

Masmur 24 - Caribbean Javanese bible

Masmur 24

¹Masmuré Daved. Bumi uga sak isiné kabèh duwèké GUSTI, mengkono uga ndonya lan sing pada ngenggoni.

²Awit Panjenengané sing nggawé karo didasari segara ditetepaké temumpang ing kali-kali.

³“Sapa sing dililani munggah ing gunungé GUSTI? Sapa sing dililani ngadek ing panggonané sing sutyi?”

⁴“Wong sing resik tangané lan sutyi atiné, sing ora masrahaké uripé marang sing ala, lan ora nglairké sumpah goroh.

⁵Kuwi bakal dikèki berkah karo GUSTI, lan keadilan karo Gusti Allah sing njalari keslametané.

⁶Kuwi bangsané wong sing pada takon bab Panjenengané, sing pada nggolèki praupan Panjenengan, duh Gusti Allahé Yakub.” Sela

⁷Hé gapura, pada duwurna putyukmu. Hé lawang langgeng, pada dibukaka, supaya Ratuné kamulyan mlebu!

⁸“Ratuné kamulyan kuwi sapa?” “Kuwi GUSTI sing kwasa lan Mahakuwat, GUSTI Mahakwasa ing perang!”

⁹Hé gapura, pada duwurna putyukmu, hé lawang kawak pada dibukaka, supaya Ratuné kamulyan mlebu!

¹⁰“Ratuné kamulyan kuwi sapa?” “Kuwi GUSTI, Gustiné sing ngwasani langit, Kuwi Ratuné kamulyan.” Sela