Read Caribbean Javanese Masmur 26 Bible Online

Masmur 26 - Caribbean Javanese bible

Masmur 26

¹Masmuré Daved. Duh GUSTI, Panjenengan supaya ngekèki keadilan marang kula, awit mlaku kula karo mlaku resik, kula pertyaya marang GUSTI ora mangga-mara.

²Duh GUSTI, Panjenengan supaya gelem njajal lan neter kula; batin kula lan ati kula supaya Panjenengan glédah.

³Awit katrésnan lan kasetian Panjenengan sing kula pandeng, lan mlaku kula ing kabenerané Panjenengan.

⁴Kula ora lungguh dadi siji karo tukang ngapus lan ora sesrawungan karo wong lamis;

⁵kula sengit marang kumpulané wong ala, lan uga ora lungguh nunggal karo wong duraka.

⁶Kula ngisuhi tangan kula tanda yèn ora kesalahan, lan kula terus ngubengi mesbèh Panjenengan, duh GUSTI,

⁷karo memuji kidung maturkesuwun karo swara banter, lan ngabaraké kabèh mujijat Panjenengan.

⁸Duh GUSTI, kula trésna marang panggonan griya Panjenengan lan marang panggonan kamulyan Panjenengan.

⁹Panjenengan supaya aja njebol nyawa kula bareng karo wong dosa, apa uga urip kula aja nganti bareng karo wong sing ngutahké getih,

¹⁰sing tangané nggegem penggawé ala, tangané tengen kebak beselan.

¹¹Nanging urip kula karo ati resik; kula supaya diluwari lan supaya Panjenengan welasi.

¹²Sikilku mlaku ing tanah daratan; aku bakal ngelem-elem GUSTI ing pasamuan.