Read Caribbean Javanese Masmur 28 Bible Online

Masmur 28 - Caribbean Javanese bible

Masmur 28

¹Masmuré Daved. Duh GUSTI gunung watuku, kula sambat marang Panjenengan, supaya aja ngenengké kula, awit yèn Panjenengan ngenengké kula, kula terus kaya wong sing medun menyang kuburan.

²Panjenengan supaya gelem ngrungokké swarané penjaluk kula, yèn kula sambat marang Panjenengan njaluk tulung, lan ngangkat tangan kula nuju marang panggonan Panjenengan sing Mahasutyi.

³Kula aja nganti Panjenengan sèrèt bareng karo wong duraka, utawa sing nandangi ala, sing grapyak apik marang sak pepadané, nanging atiné kebak ala.

⁴Kuwi supaya pada Panjenengan wales pada karo penggawéané, lan miturut tumindakké sing ala; supaya Panjenengan bales tyotyok karo penggawéané tangané lan tibanana balesan apa sing ditindakké kuwi.

⁵Awit pada ora nggatèkké marang penggawéané GUSTI, lan apa sing ditindakké karo tangané, mulané bakal pada ditibakké lan ora ditangèkké menèh.

⁶Pinujia GUSTI, awit wis ngrungokké swarané sambatku.

⁷GUSTI kuwi kekuwatanku lan tamèngku, atiku pertyaya marang Panjenengané. Aku wis ditulungi, mulané atiku bungah-bungah, lan aku mujèkaké maturkesuwun marang Panjenengané karo kidungan.

⁸GUSTI kuwi dadi kekuwatané umaté, Panjenengané dadi bèntèng keslametan kanggo wong sing dijebatani!

⁹Panjenengan supaya gelem ngluwari umat Panjenengan, lan gelem mberkahi duwèké Panjenengan déwé, supaya Panjenengan engon lan Panjenengan panggul ing sak lawas-lawasé.