Read Caribbean Javanese Masmur 29 Bible Online

Masmur 29 - Caribbean Javanese bible

Masmur 29

¹Masmuré Daved. Hé para sing manggon ing swarga, ya mung GUSTI sing nduwé kamulyan lan kekuwatan!

²Wènèhna marang GUSTI kaluhurané Asmané, pada sujuta marang GUSTI karo patyakan kesutyian!

³Swarané GUSTI ing sak nduwuré banyu, Gusti Allah sing mulya gembluduk, GUSTI ing sak nduwuré banyu gedé.

⁴Swarané GUSTI kebak kekuwatan, swarané GUSTI kebak kamulyan.

⁵Swarané GUSTI nugelké wit tyemara, malah wit tyemara ing Libanon pada dirubuhké karo GUSTI.

⁶Panjenengané ndadèkké gunung Libanon mlumpat-mlumpat kaya pedèt, lan gunung Siryon kaya pedèté sapi alasan.

⁷Swarané GUSTI nyemburké geni mulat-mulat.

⁸Swarané GUSTI nggorekké ara-ara samun, GUSTI nggorekké ara-ara samun Kadès.

⁹Swarané GUSTI njalari menjangan meteng pada manak, malah njalari alas-alas pada gundul, lan ing omahé pada mbengok: “Diluhurna!”

¹⁰GUSTI njagong ing sak nduwuré banjir, GUSTI dadi Ratu ing sak lawas-lawasé.

¹¹GUSTI supaya gelem ngekèki kekuwatan marang umaté, GUSTI supaya gelem mberkahi umaté karo tentrem rahayu.