Read Caribbean Javanese Masmur 32 Bible Online

Masmur 32 - Caribbean Javanese bible

Masmur 32

¹Masmuré Daved. Kidung piwulang. Rahayu wong sing dingapura paneraké, sing dosané ditutupi!

²Rahayu wong sing dosané ora diitung karo GUSTI, lan sing atiné ora kanggonan goroh!

³Sak suwéné kula meneng, balung kula pada dadi gapuk ing njeruhné sambat kula sedina muput;

⁴awit awan wengi tangan-Mu abot menet marang kula sungsum kula nganti garing, kaya garingé waktu panas. Sela

⁵Dosa kula, kula omongaké marang Panjenengan, kesalahan kula ora kula tutup-tutupi; tembung kula: “Tak akoni panerakku ing ngarepé GUSTI,” Panjenengan banjur ngapura kesalahan kula awit sangka dosa kula. Sela

⁶Mulané kabèh wong bener pada ndedonga marang Panjenengan, pumpung ijik bisa ditemoni; senajan anaa banjir gedé, ora kebanjiran.

⁷Panjenengan sing dadi pandelikan kula, Panjenengan ngedohké kula sangka kangèlan, Panjenengan ngemuli kula, nganti kula luwar lan surak-surak. Sela

⁸Aku arep mulangi marang kowé, Tak duduhké dalan sing kudu diliwati; Aku arep ngomongi kowé, mripat-Ku tumuju marang kowé.

⁹Aja kaya jaran utawa bihal sing ora nduwé pikiran, perlu dienggoni keluh lan tali, yèn ora, ora bakal nyedaki kowé.

¹⁰Wong duraka ngalami perih okèh, nanging sing pertyaya marang GUSTI kuwi mesti diubengi karo kawelasan.

¹¹Hé para wong bener, pada bungaha lan surak-suraka ing GUSTI. Hé para wong sing tulus ati, pada surak-suraka!