Read Caribbean Javanese Masmur 36 Bible Online

Masmur 36 - Caribbean Javanese bible

Masmur 36

¹Kanggo juru penyanyi. Masmuré Daved, abdiné GUSTI.

²Dosa kuwi muni marang wong duraka ing sak njeruhné atiné; ing batiné ora ana rasa wedi lan ngajèni marang Gusti Allah,

³awit wong mau mbujuk marang awaké déwé, nganti wong ora ngrumangsani kesalahané lan ora sengit marang kuwi.

⁴Tembung sing kewetu sangka tutuké kuwi isi sing ala lan sing goroh, wis mandek enggoné nandangi wityaksana lan nglakoni kabetyikan.

⁵Ing peturoné ngrantyam-ngrantyam sing ala, sing dilakoni dalan sing ora apik, lan ora ngedohi sing ala.

⁶Duh GUSTI, kawelasan Panjenengan kuwi sundul langit, lan kasetian Panjenengan teka ing mendung.

⁷Keadilan Panjenengan kuwi kaya gunung-gunungé Gusti Allah, putusan Panjenengan kaya segara gedé sing medèni. Duh GUSTI, Panjenengan sing mitulungi manungsa lan kéwan.

⁸Ora ana sing ngungkuli ajiné katrésnan Panjenengan, duh Gusti Allah! Para anak-anaké manungsa pada ngungsi ing ngisoré sewiwi Panjenengan.

⁹Pada warek karo gajih sangka griya Panjenengan, lan Panjenengan ngekèki ngombé sangka kali kesenengan Panjenengan.

¹⁰Awit sumberé urip kuwi ing Panjenengan; enggèn kula weruh pepadang mung ing pepadang Panjenengan.

¹¹Kawelasan Panjenengan supaya kalubèrké marang wong sing pada kenal marang Panjenengan, lan keadilan Panjenengan marang wong sing jujur atiné.

¹²Kula supaya aja nganti diidek-idek karo sikilé wong gemunggung, utawa ditundung karo tangané wong duraka.

¹³Lah kuwi para wong sing nandangi ala pada tiba; pada kebanting nganti ora bisa tangi menèh.