Read Caribbean Javanese Masmur 4 Bible Online

Masmur 4 - Caribbean Javanese bible

Masmur 4

¹Kanggo juru penyanyi, karo musik swarané senar. Masmuré Daved.

²Yèn kula sambat, supaya gelem nyauri, duh Gusti Allah sing mbenerké kula. Ing njeruhné kangèlan Panjenengan sing ngekèki katentreman marang kula, supaya ngekèki kawelasan marang kula lan ngrungokké pandonga kula!

³Hé para wong lanang, nganti sepira suwéné kaluhuranku diwirangké, nganti sepira suwéné enggonmu pada nyenengi marang sing tanpa guna, lan enggonmu nguber marang sing goroh? Sela

⁴Pada ngertia yèn GUSTI wis milih sing dadi katrésnan-Né; GUSTI ngrungokké yèn aku ndedonga marang Panjenengané.

⁵Gregetana nanging aja nganti nggawé dosa, mikira sak njeruhné atimu ing peturonmu, nanging tetepa meneng. Sela

⁶Pada masrahna kurban sing bener, lan pertyayaa marang GUSTI.

⁷Okèh wong sing pada ngomongké mengkéné: “Sapa sing bakal ngekèki weruh sing betyik marang kita?” Duh GUSTI, Panjenengan, supaya nylorotké padangé praupan Panjenengan marang kita.

⁸Panjenengan wis ngekèki kabungahan okèh marang kula, ngungkuli wong-wong kuwi, waktuné panèn jagung lan anggur okèh.

⁹Karo ayem-tentrem kula bakal lèyèh-lèyèh terus gelis turu, awit duh GUSTI, mung Panjenengan sing ndadèkké kula manggon karo tentrem.