Read Caribbean Javanese Masmur 40 Bible Online

Masmur 40 - Caribbean Javanese bible

Masmur 40

¹Kanggo juru penyanyi. Masmuré Daved.

²Aku ngentèn-entèni banget marang GUSTI, terus ya diéndangi lan sambatku digatèkké.

³Gusti ngentaské aku sangka luwangé tyilaka, lan sangka lenduté rawa, sikilku terus didekké ing watu, jangkahku dikuwatké.

⁴Gusti ngekèki kidung anyar ing tutukku, kidung pamuji marang Gusti Allah kita, okèh wong sing pada weruh, sak nalika wedi, lan terus pertyaya marang GUSTI.

⁵Rahayu wong, sing pada pertyaya marang GUSTI, sing ora nolèh marang wong sing pada gemunggung, lan marang wong sing wis nyimpang marang goroh.

⁶Duh, Gusti Allah kula, GUSTI wis okèh sing Panjenengan tandangi, penggawéané Panjenengan sing nggumunaké lan karep Panjenengan kanggo kita, ora ana sing bisa dijèjèrké marang Panjenengan. Mujijaté Panjenengan bakal kula tyritakké lan kula omongké, nanging yèn diitung kokèhan banget tyatyahé.

⁷Panjenengan ora seneng marang kurban sing dibelèh lan kurban panganan. Panjenengan wis mbukak kuping kula, Panjenengan ora njupuk kurban obongan lan kurban ngluwari dosa.

⁸Kula terus ngomong: “Lah kuwi kula teka; ing gulungané kitab wis ana tulisan sing gegandèngan karo kula;

⁹duh Gusti Allah kula, kula seneng nandangi karep Panjenengan; lan pernatan Panjenengan ing batin kula.”

¹⁰Kula ngabaraké kabeneran ing pasamuan wong okèh; malah kula ora ngendek lambé kula, duh GUSTI, Panjenengan sing uga ngerti.

¹¹Keadilan ora kula delikké ing ati kula, kasetian Panjenengan lan keslametan sing sangka Panjenengan kula rembuk, katrésnan lan kabeneran Panjenengan ora kula delikké ing pasamuané wong okèh.

¹²Duh GUSTI, Panjenengan supaya aja nganti ngendek kawelasan Panjenengan sangka kula, kula supaya tansah dijaga karo katrésnan lan kabeneran Panjenengan!

¹³Awit bebaya ngepung kula nganti ora kenèng diitung okèhé. Kula wis ketututan karo duraka kula, nganti kula ora tahan weruh; tyatyahé ngliwati tyatyahé rambuté sirah kula, nganti ati kula pasrah.

¹⁴Duh GUSTI, Panjenengan supaya gelem ngluwari kula; duh GUSTI, supaya gelis gelem ngekèki pitulungan marang kula!

¹⁵Kabèh wong sing ngupaya marang nyawa kula, supaya pada ngalami wirang lan isin; sing ngupaya tyilaka kula, supaya pada mundur lan ngalami kisinan!

¹⁶Wong sing ngomongké: “Sukur, sukur!” marang kula, kuwi supaya dibungkem tutuké awit kisinan.

¹⁷Wong sing nggolèki Panjenengan, supaya pada bungah-bungah lan sukak-sukak awit sangka Panjenengan; sing seneng marang keslametan sing sangka Panjenengan, tetepana ngomong mengkéné: “GUSTI, diluhurna!”

¹⁸Kula kuwi sangsara lan mlarat, nanging Gusti mikir marang kula, Panjenengan sing mitulungi lan ngluwari kula, duh Gusti Allah kula, supaya aja nganti mbulet-mbulet!