Read Caribbean Javanese Masmur 44 Bible Online

Masmur 44 - Caribbean Javanese bible

Masmur 44

¹Kanggo juru penyanyi. Sangka turunané Korah. Kidung piwulang.

²Duh Gusti Allah, kula wis krungu déwé, sangka para mbah kula sing pada nyritani kula, bab penggawéané sing wis Panjenengan tandangi waktu jamané, ya waktu jaman mbiyèn.

³Bangsa liya wis pada Panjenengan tundung déwé karo tangan Panjenengan, nanging para mbah pada Panjenengan tandur, taler-taleré bangsa pada Panjenengan nggawé sangsara, nanging para mbah pada Panjenengan dadèkké tangkar tumangkar.

⁴Awit ora karo pedang anggèné pada ngenggoni negara, duduk tangané sing ndadèkké menang, nanging tangan tengen Panjenengan, bau Panjenengan lan padangé praupan Panjenengan, awit pada nggawé seneng Panjenengan.

⁵Ya, Panjenengan déwé kuwi sing ngadek dadi Ratu lan Gusti Allah kula, sing mréntahké kemenangan Yakub.

⁶Karo pitulungan Panjenengan kita bisa ngembrukné mungsuh, lan awit sangka asma Panjenengan kita bisa ngiles-ngiles para wong sing nglawan kita.

⁷Awit duduk panah kula sing kula endelké, duduk pedang kula sing ndadèkké menang,

⁸nanging Panjenengan sing ngekèki kemenangan marang kita yèn kita nglawan mungsuh, lan Panjenengan sing ngekèkké wong-wong sing pada nyengiti kita.

⁹Awit sangka Gusti Allah kita sedina muput pada mujèkaké kidung pamuji, lan asma Panjenengan pada kita puji ing sak lawasé. Sela

¹⁰Nanging saiki kita pada Panjenengan kipatké lan Panjenengan meneng waé, kita pada kewirangan. Panjenengan ora metu nuntun mlakuné suradadu kita.

¹¹Panjenengan nggawé mundur kita sangka ngarepé mungsuh kita lan wong sing pada nyengiti kita pada ngrampok kita.

¹²Panjenengan pasrahaké kita kaya wedus sing dibelèh, lan kita pada Panjenengan sebar ing antarané para bangsa.

¹³Umat Panjenengan, Panjenengan edol karo murah-murahan lan ora njupuk bati sangka dodolan kuwi.

¹⁴Panjenengan dadèkké kita tyatyatan karo tangga-teparo kita, digawé gegojèkan lan diwirang-wirangké karo wong-wong ing sak kiwa-tengené kita.

¹⁵Panjenengan dadèkké kita tembungan antarané para bangsa, lan jalarané para taleré bangsa pada gèdèk-gèdèk.

¹⁶Sedina muput reget kula ing ngarep kula, lan praupan kula ketutupan karo kewirangan,

¹⁷awit sangka tembung-tembungé wong sing nyatyat lan ora ngajèni, ing ngarepé mungsuh lan wong sing seneng mbales ala.

¹⁸Kabèh iki wis tyeblok ing awak kita, nanging kita ora lali marang Panjenengan, ya ora goroh marang perjanjian Panjenengan.

¹⁹Ati kita pada ora mbangkang, lan mlaku kita pada ora nyimpang sangka dalan Panjenengan,

²⁰senajan Panjenengan wis ngremuk kita ing kumpulané asu alasan, lan Panjenengan nutupi kita karo pepeteng.

²¹Yèn kita pada lali marang asmané Gusti Allah kita, lan megarké tangan kita marang allah liyané,

²²apa Gusti Allah ora bakal weruh sing kaya mengkéné kuwi? Awit Gusti weruh kahanané ati?

²³Tenan, awit sangka Panjenengan, kita pada ing njeruhné bebaya pati saben dina, lan dipadakké karo wedus belèhan.

²⁴Duh Gusti, supaya Panjenengan gelem tangi, kenèng apa Panjenengan turu? Supaya Panjenengan gelem tangi, aja nganti tansah ngipatké kita.

²⁵Uga Panjenengan nutupi praupan Panjenengan, lan ora éling marang enggèn kita pada ditindes lan disia-sia?

²⁶Nanging nyawa kita kependem ing lebu, awak kita kelèt ing lemah.

²⁷Supaya Panjenengan gelem ngadek mitulungi kita kabèh, lan gelem ngluwari kita awit sangka kawelasan Panjenengan.