Read Caribbean Javanese Masmur 47 Bible Online

Masmur 47 - Caribbean Javanese bible

Masmur 47

¹Kanggo juru penyanyi. Sangka turunané Korah. Masmur.

²Hé para bangsa kabèh, pada keplok-keploka, pada nemonana Gusti Allah karo surak-surak!

³Awit GUSTI sing Mahaluhur kuwi medèni, lan dadi Ratu gedé ing sak lumahé bumi.

⁴Para bangsa pada dikalahké marang kita, lan para taleré bangsa pada dikalahké ing tlapakan kita.

⁵Kita pada dipilihké tanah panduman kita, sing digunggungké karo Yakub, katrésnan-Né. Sela

⁶Gusti Allah wis munggah diiringi karo surak ramé, ya GUSTI kuwi munggah karo diiringi swarané trompèt.

⁷Gusti Allah pada pujèkna kidungan masmur, pada pujèkna kidungan masmur. Pada ngidunga masmur kanggo Ratu kita, pada ngidunga masmur!

⁸Awit Gusti Allah kuwi Ratu ing sak lumahé bumi, pada ngidunga masmur, kidung piwulang!

⁹Gusti Allah kuwi ngratoni para bangsa, lan njagong ing damparé sing sutyi.

¹⁰Para penggedéné bangsa-bangsa pada ngumpul, sing pada dadi umaté Gusti Allahé Abraham. Awit bumi kuwi duwèké Gusti Allah, Panjenengané kuwi banget enggoné diluhurké.