Read Caribbean Javanese Masmur 5 Bible Online

Masmur 5 - Caribbean Javanese bible

Masmur 5

¹Kanggo juru penyanyi. Karo swarané sulingan. Masmuré Daved.

²Duh GUSTI, Panjenengan, supaya ngrungokké tembung kula lan ngrungokké sambat kula.

³Duh Ratu kula lan Gusti Allah kula, Panjenengan, supaya ngrungokké enggèn kula njerit nyuwun pitulungan, awit marang Panjenengan enggèn kula ndedonga.

⁴Duh GUSTI ing wantyi ésuk Panjenengan ngrungokké swara kula, ing wantyi ésuk kula nyuguhké pandongaku ing ngarepé Panjenengan, lan kula ngentèn-entèni.

⁵Awit Panjenengan kuwi Gusti Allah sing ora seneng marang duraka, wong ala ora bakal manggon ing ngarepé Panjenengan.

⁶Wong gemunggung ora bakal tahan ing ngarepé Panjenengan, Panjenengan sengit marang kabèh wong sing nindakké ala.

⁷Panjenengan numpes kabèh wong goroh, GUSTI sengit weruh wong sing ngutahké getih lan mlaku goroh.

⁸Nanging kula, Panjenengan nglilani kula, mlebu ing griya Panjenengan, awit sangka gedéné kawelasan-Mu. Panjenengan nglilani kula, sujut madep ing griya Panjenengan sing sutyi, karo ngajèni marang Panjenengan.

⁹Duh GUSTI, Panjenengan, supaya nuntun kula ing keadilan-Mu, awit sangka satru kula; Panjenengan, supaya nggawèké dalan Panjenengan kanggo kula.

¹⁰Awit tembungé wong-wong kuwi ora ana sing jujur, atiné kebak ala, bolongan guluné kaya kubur menga, ilaté ngutyapké sing lamis.

¹¹Duh Gusti Allah, wong kuwi ya bèn pada nyangga kesalahané, ya bèn pada tiba awit sangka réka-rékané déwé, pada kebuwak awit sangka okèhé panerak, awit pada nglawan marang Panjenengan.

¹²Nanging kabèh wong sing ndelik ing Panjenengan, bakal pada bungah-bungah, pada surak-surak ing sak lawasé awit pada Panjenengan ayomi; lan wong sing trésna marang asmané Panjenengan bakal pada surak-surak awit Panjenengan.

¹³Awit Panjenengan sing mberkahi wong bener, duh GUSTI, lan Panjenengan pageri karo kawelasan-Mu, kaya tamèng.