Read Caribbean Javanese Masmur 51 Bible Online

Masmur 51 - Caribbean Javanese bible

Masmur 51

¹Kanggo juru penyanyi. Masmuré Daved,

²waktu Natan nemoni, sakwisé Daved laku bédang karo Bètsyéba.

³Duh Gusti Allah, kula supaya Panjenengan melasi awit sangka kawelasan-Mu, supaya gelem nglebur dosa kula awit sangka gedéné kawelasan-Mu.

⁴Supaya kula, Panjenengan resiki sangka sak okèhé kesalahanku kabèh, lan dosa kula supaya Panjenengan resiki.

⁵Awit kula ngrumangsani panerak kula, lan dosa kula tansah ing ngarep kula.

⁶Kula nggawé dosa marang Panjenengan, ya mung marang Panjenengan piyambak, lan nandangi sing Panjenengan sawang ala. Supaya kétok yèn putusan Panjenengan kuwi adil, lan tyara enggèn Panjenengan ngadili kuwi resik.

⁷Pantyèn tenan, enggèn kula dilairké kuwi ngalami duraka, lan ibu kula meteng kula ing njeruhné dosa.

⁸Pantyèn tenan, Panjenengan kuwi seneng marang kabeneran, sing jeru ing njeruhné ati, lan ing njeruhné nyawaku, Panjenengan ngekèki kawityaksanan marang kula.

⁹Dosa kula supaya Panjenengan ilangi karo hisop[4], nganti kula dadi resik, kula, Panjenengan adusi nganti dadi putih, ngungkuli salju!

¹⁰Kula bèn krungu kebungahan lan kesenengan, lan balung sing wis Panjenengan remuk, bisaa surak-surak malih!

¹¹Panjenengan supaya gelem ngaling-alingi praupan Panjenengan, aja nganti weruh dosa kula, lan kesalahan kula supaya Panjenengan lebur kabèh.

¹²Duh Gusti Allah, Panjenengan supaya gelem nggawé resiké ati kula, lan batin kula supaya Panjenengan anyaraké karo roh sing kuwat.

¹³Kula supaya aja nganti Panjenengan buwang sangka ngarepé Panjenengan, lan Roh Panjenengan sing sutyi aja nganti dijikuk sangka kula.

¹⁴Panjenengan supaya gelem nggugah kebungahan kula menèh, awit sangka keslametan sing sangka Panjenengan, lan kula Panjenengan tyukupi karo roh sing éklas!

¹⁵Banjur kula bakal mulangké dalan Panjenengan marang para wong sing mlakuné nyasar, supaya wong dosa pada mratobat marang Panjenengan.

¹⁶Duh Gusti Allah, Gusti Allahé keslametan kula, Panjenengan supaya gelem ngutyuli kula sangka enggèn kula utang getih, nganti ilat kula bakal surak-surak ngabaraké keadilan Panjenengan.

¹⁷Duh, Gusti supaya gelem mbukak lambé kula, supaya tutuk kula ngabaraké kidung pamuji marang Panjenengan!

¹⁸Awit Panjenengan ora ngarepké njupuk kurban sing dibelèh, kurban obongan Panjenengan ya ora gelem.

¹⁹Kurban sing dibelèh sing ditampa karo Gusti Allah, kuwi nyawa sing remuk; ati sing semplak lan remuk, kuwi Panjenengan ora anggep asor, duh Gusti Allah!

²⁰Panjenengan supaya gelem nindakké sing betyik marang Sion miturut éklasé ati-Mu, lan gelem mbangun témboké Yérusalèm!

²¹Panjenengan banjur bakal gelem nampani kurban sing bener, kurban obongan lan kurban sak kabèhé, sapi lanang terus bakal dikurbanaké ing mesbèh-Mu.