Read Caribbean Javanese Masmur 56 Bible Online

Masmur 56 - Caribbean Javanese bible

Masmur 56

¹Kanggo juru penyanyi. Miturut nyanyian: Manuk dara ing wit terbantin sing adoh. Miktam masmur Daved, waktu Panjenengané dityekel bangsa Filistèn ing kuta Gat.

²Duh Gusti Allah, kula supaya Panjenengan welasi, awit wong-wong pada ngidak-idak kula, lan kula diperangi lan dipèpètné sedina muput.

³Mungsuh-mungsuh kula pada ngidak-idak kula sedina muput, malah okèh wong sing nglawan kula karo gemunggung.

⁴Yèn kula wedi, kula pertyaya marang Panjenengan;

⁵Gusti Allah, sing pituturé tak puji-puji, ya Gusti Allah kuwi sing tak endelaké, mulané aku ora wedi. Manungsa bisa nandangi apa marang aku?

⁶Saben dina pada ngruwetké perkara kula, pada tansah nduwé kekarepan bakal nindakké ala marang kula,

⁷pada bakal nyerang, ngintyeng lan ngewaské mlaku kula, kaya wong sing pada arep njabut nyawa kula.

⁸Wong iki apa bisa utyul, sangka dosané iki? Duh Gusti Allah, ambruké para bangsa karo bebendu Panjenengan.

⁹Kasangsarané kula Panjenengan sing ngitung-itung, luh kula Panjenengan wadahi ing kendi Panjenengan; kabèh apa ora wis pada Panjenengan tyateti ing kitab Panjenengan?

¹⁰Mungsuhku terus pada mundur waktu aku sambat, aku yakin yèn Gusti Allah nunggal karo aku.

¹¹Gusti Allah, sing pitutur-pituturé tak puji, GUSTI, sing pitutur-pituturé tak puji.

¹²Gusti Allah, sing tak pertyaya, mulané aku ora wedi. Manungsa bisa nandangi apa marang aku?

¹³Duh Gusti Allah, janji kula bakal kula tetepi ing ngarepé Panjenengan, kula bakal masrahké kurban maturkesuwun marang Panjenengan.

¹⁴Awit Panjenengan wis ngluwari nyawa kula sangka pati, malah njaga sikil kula, terus ora kesandung; mila kula bisa mlaku ing ngarepé Gusti Allah, ing pepadangé urip.