Read Caribbean Javanese Masmur 6 Bible Online

Masmur 6 - Caribbean Javanese bible

Masmur 6

¹Kanggo juru penyanyi karo musik swarané senar. Miturut sing kaping wolu. Masmuré Daved.

²Duh GUSTI, kula supaya mboten Panjenengan ukum karo nesuné Panjenengan, supaya mboten Panjenengan siksa karo panasé nesuné Panjenengan.

³Duh GUSTI, kula supaya Panjenengan welasi, awit kula gloyoran. Duh GUSTI, kula supaya Panjenengan waraské, awit balung kula pada gemeter,

⁴lan nyawa kula banget kagèt. Nanging Panjenengan, duh GUSTI, ijik sak pira suwéné?

⁵Duh GUSTI, Panjenengan, supaya mbalik marang kula, lan nylametaké nyawa kula, supaya gelem ngluwari kula, awit sangka kawelasan Panjenengan.

⁶Awit ing ndonyané wong mati ora ana wong sing ngéling-éling marang Panjenengan, ing panggonané wong mati, sapa sing bakal memuji marang Panjenengan?

⁷Kula wis semplak awit sangka nggresah kula, ing saben wengi ambèn kula kebanjiran karo luh kula, bantal kula katelesan karo luh kula.

⁸Mripat kula nganti mbendol awit sangka kasusahan, lan mblereng jalaran kabèh mungsuh kula.

⁹Hé! wong sing pada nggawé ala, nyingkira sangka ngarepku, awit GUSTI wis krungu tangisku.

¹⁰GUSTI wis krungu penjalukku, GUSTI nampani pandongaku.

¹¹Kabèh mungsuhku pada kewirangan lan kagèt banget, lan mundur sakwat lan sak kedèpan kisinan kabèh.