Read Caribbean Javanese Masmur 60 Bible Online

Masmur 60 - Caribbean Javanese bible

Masmur 60

¹Kanggo juru penyanyi. Miturut nyanyian: Kembang bakung paseksi. Miktam, masmuré Daved kanggo piwulang,

²waktu perang karo suradadu Aram-Mésopotamia lan wong Aram-Soba lan sakwisé Yoab bali sangka merangi suradadu Edom ing legokan Asin ngalahké mungsuh tyatyahé 12.000 wong.

³Duh Gusti Allah, kita aja pada Panjenengan tampik, bèntèng kita aja Panjenengan bedah; Panjenengan nesu; Panjenengan supaya gelem ndandani kita!

⁴Bumi wis Panjenengan gonjang-gonjingké lan Panjenengan petyah; sing petyah supaya Panjenengan pulihké menèh, awit bumi wis gonjing.

⁵Umat Panjenengan aja Panjenengan gawé rekasa banget, kita wis pada Panjenengan ombèni anggur sing mendemi.

⁶Panjenengan wis ngekèki gendéra marang wong-wong sing ngabekti marang Panjenengan, kanggo tanda mayungi supaya ngéndani panah. Sela

⁷Supaya para sing Panjenengan kok trésnani bisa utyul, Panjenengan supaya gelem ngekèki keslametan karo tangan tengen Panjenengan lan kula supaya pada disauri!

⁸Gusti Allah wis ngomong ing panggonan sutyi-Né: “Aku gelem sukak-sukak, negara Sikem bakal Tak edum, lan legokan Sukot bakal Tak ukur.

⁹Giléad kuwi duwèk-Ku, Manasé kuwi duwèk-Ku, Efraim kuwi kudungé sirah-Ku, Yéhuda kuwi tekené kraton-Ku;

¹⁰Moab kuwi panggonan kanggo wisuh-Ku, Edom Tak untyalké karo kasut-Ku, awit sangka Filistèn Aku surak-surak.”

¹¹Sapa sing bakal nuntun aku mlebu ing kuta sing kuwat? Sapa sing nuntun aku menyang negara Edom?

¹²Apa duduk Panjenengan duh Gusti Allah, sing wis nampik kita, lan ora maju, duh Gusti Allah, bareng karo suradadu kita?

¹³Duh Gusti Allah, Panjenengan supaya gelem ngekèki pitulungan marang kita kabèh nglawan mungsuh, awit pitulungané manungsa kuwi tanpa guna.

¹⁴Yèn dituntun karo Allah kita bakal nindakké kekuwatan, awit Gusti déwé bakal ngiles-ngiles kabèh mungsuh kita.