Read Caribbean Javanese Masmur 61 Bible Online

Masmur 61 - Caribbean Javanese bible

Masmur 61

¹Kanggo juru penyanyi. Ya kuwi swarané siter. Masmuré Daved.

²Duh Gusti Allah, supaya gelem ngrungokké sambat kula, pandonga kula supaya dirungokké!

³Sangka pungkasané bumi kula nyebut asma Panjenengan, awit ati kula lemes nglokro, Panjenengan supaya gelem nuntun kula munggah ing gunung watu sing keduwuren kanggo kula.

⁴Panjenengan kuwi tenan dadi panggonan pengayoman kula, menara sing kuwat ing ngarepé mungsuh.

⁵Kula supaya Panjenengan lilani manggon ing tarup Panjenengan sak lawas-lawasé, lan ndelik ing ngisoré swiwi Panjenengan! Sela

⁶Duh Gusti Allah, Panjenengan tenan wis ngrungokké janji kula, wis nuruti penjaluké para wong sing ngabekti marang Panjenengan.

⁷Panjenengan supaya gelem nambahi umuré ratu, taun-taun uripé bisaa nganti turun-temurun.

⁸Supaya anggèné dadi ratu ing ngarepé Gusti Allah bisa lestari ing sak lawas-lawasé, kawelasan lan kasetian Panjenengan dipréntahké njaga piyambaké.

⁹Kula bakal ngidungké asma Panjenengan karo masmur ing sak lawasé, lan ngluwari janji kula ing saben dinané.