Read Caribbean Javanese Masmur 62 Bible Online

Masmur 62 - Caribbean Javanese bible

Masmur 62

¹Kanggo juru penyanyi. Miturut: Yedutun. Masmuré Daved.

²Mung yèn tyedak karo Gusti Allah aku krasa ayem, keslametanku kuwi sangka Panjenengané.

³Mung Panjenengané sing dadi gunung watuku lan keslametanku, kuta bèntèngku, aku ora bakal gloyoran.

⁴Sak pira suwéné enggonmu arep ngroyok sakwijiné wong, arep kok remuki, hé kowé kabèh, kaya témbok sing doyong utawa témbok sing arep ambruk?

⁵Sengajané mung arep njongkroké wong mau sangka pangkaté sing duwur, wongé pada seneng goroh, tutuké pada ngutyapké berkah, nanging batiné pada nyepatani. Sela

⁶Katentremanku mung ing Gusti Allah, awit sing tak arep-arep kuwi tekané sangka Panjenengané.

⁷Mung Panjenengané sing dadi gunung watuku lan keslametanku, kuta bèntèngku, aku ora bakal gloyoran.

⁸Ing Gusti Allah dunungé keslametan lan kamulyanku; gunung watuku lan kekuwatanku lan pangayomanku kuwi Gusti Allah.

⁹Hé umat, tansah pada pertyayaa marang Panjenengané, sembarang ing sak njeruhné atimu sokna ing ngarepé, Gusti Allah kuwi pengayoman kita. Sela

¹⁰Sak temené wong asor kuwi mung angin, para wong sing mulya kuwi mung goroh; yèn ditimbang ing timbangan njomplang menduwur, awit luwih èntèng tenimbang angin.

¹¹Aja ngandel marang penindesan, aja nduwèni pengarep-arep sing tanpa isi marang barang rayahan; yèn mundak bandamu, atimu aja rumaket mrana.

¹²Gusti Allah ngomong sepisan, rong perkara sing tak rungokké, yèn pangwasa kuwi tekané sangka Gusti Allah.

¹³Kawelasan kuwi uga sangka Panjenengan; awit Panjenengan ngekèki balesan marang saben wong miturut penggawéané.