Read Caribbean Javanese Masmur 64 Bible Online

Masmur 64 - Caribbean Javanese bible

Masmur 64

¹Kanggo juru penyanyi. Masmuré Daved.

²Duh Gusti Allah, Panjenengan supaya gelem ngrungokké swarané sambat kula, nyawa kula supaya Panjenengan rumat yèn ana satru sing medèni.

³Panjenengan supaya ngaling-alingi kula yèn ana wong ala sing pada komplotan, lan rerusuh sing dianakké karo para wong sing nandangi duraka,

⁴sing nglandepké ilaté kaya pedang, lan sing ngetyulaké tembung sengak kaya panah,

⁵sing dityulké marang wong bener sangka delikan, dadakan panahé ditantyepké tanpa wedi-wedi.

⁶Pada nékat nindakké duraka, pada rembukan masang jiret ing delikan, lan ngomong: “Sapa sing weruh?”

⁷Pada ngréka-ngréka tumindak ora jujur: “Aku wis pada siap, rantyamané wis mateng.” Tenan jeruné batin lan atiné wong kuwi!

⁸Nanging Gusti Allah ngetyulké panah marang wong-wong kuwi; dadakan pada ketaton.

⁹Pada ditibakké karo Gusti Allah awit sangka ilaté déwé; kabèh wong sing nyawang pada gèdèk-gèdèk.

¹⁰Wong kabèh pada wedi lan terus nyritakké penggawéané Gusti Allah, karo ngakoni penggawéané.

¹¹Wong bener bakal pada bungah, awit pangrumaté GUSTI, lan wong sing ndelik marang Panjenengané; kabèh wong sing jujur bakal pada memuji-mujia.