Read Caribbean Javanese Masmur 65 Bible Online

Masmur 65 - Caribbean Javanese bible

Masmur 65

¹Kanggo juru penyanyi. Masmuré Daved. Kidungan.

²Duh Gusti Allah, pamuji iki kanggo Panjenengan ing Sion, lan kanggo wong ngluwari janji ing ngarepé Panjenengan.

³Panjenengan sing ngrungokké pandonga. Kabèh sing urip teka ing ngarepé Panjenengan

⁴awit kesalahan. Yèn kesalahan kula ngliwati kekuwatan kula, Panjenengan sing nglebur.

⁵Rahayu wong sing Panjenengan pilih lan Panjenengan tyeluk nyedek, supaya manggon ing plataran Panjenengan! Kula pada warek karo kamulyané griya Panjenengan, ya griya sutyi Panjenengan.

⁶Duh Gusti Allah Juruslamet kula, Panjenengan sing dadi pengandel-andelé sak lumahé bumi, uga puluh-puluh sing adoh-adoh; karo penggawé sing ngidap-idapi banget lan karo keadilan enggèn Panjenengan nyauri kula.

⁷Panjenengan sing jejekké kabèh gunung nganggo kekuwatan Panjenengan, Panjenengan sing sabukan kekuwatan;

⁸Panjenengan sing nyirep ombaké segara, lan jembleguré ombak, uga gègèré para bangsa!

⁹Awit sangka kuwi wong-wong sing manggon ing pojok-pojokané bumi pada wedi marang tanda-tanda mujijat Panjenengan; panggonan njedulé ésuk lan mbengi, Panjenengan gawé surak-surak.

¹⁰Panjenengan ngéndangi bumi lan Panjenengan kèki kalubèran, kali-kaliné Gusti Allah pèrès banyuné, gandumé Panjenengan tyawiské, ya mengkono kuwi enggèn Panjenengan nyawiské sak kabèh-kabèhé:

¹¹Kalèn-kalèné gulutan Panjenengan elepi banyu, prongkolané Panjenengan telesi, Panjenengan dadèkké lèr-lèran karo deresé udan, tukulané Panjenengan berkahi.

¹²Tauné Panjenengan makutani karo kawelasan Panjenengan, tipaké Panjenengan ngetokké gajihé.

¹³Lemah ing ara-ara samun tètès-tètès banyuné, gunung-gunung pada bungah-bungah,

¹⁴pangonan-pangonan pada kebak wedus gèmbèl, legokan-legokan pada kemulan gandum, kabèh pada surak-surak lan pada ngidung-ngidung.