Read Caribbean Javanese Masmur 67 Bible Online

Masmur 67 - Caribbean Javanese bible

Masmur 67

¹Kanggo juru penyanyi. Ya kuwi swarané siter. Masmur. Kidungan.

²Gusti Allah supaya ngekèki kawelasan lan berkah marang kita, Panjenengané supaya gelem madangi kita karo praupané, Sela

³supaya dalan Panjenengan diduduhké ing bumi, lan keslametan pawèh Panjenengan ing sak tengahé bangsa kabèh.

⁴Duh Gusti Allah, para bangsa supaya pada ngutyapké sukur marang Panjenengan; para bangsa supaya pada ngutyap sukur marang Panjenengan kabèh.

⁵Para taleré bangsa supaya pada bungah-bungah lan surak-suraka, awit Panjenengan ngwasani para bangsa karo adil, lan para taleré bangsa ing sak lumahé bumi pada Panjenengan tuntun. Sela

⁶Duh Gusti Allah, para bangsa supaya pada memujia marang Panjenengan, Panjenengan pinujia karo kabèh bangsa.

⁷Bumi wis ngekèkké pametuné, Gusti Allah, Gusti Allah kita mberkahi kita.

⁸Gusti Allah mberkahi kita; sak lumahé bumi supaya ngabektia marang Panjenengané.