Read Caribbean Javanese Masmur 76 Bible Online

Masmur 76 - Caribbean Javanese bible

Masmur 76

¹Kanggo juru penyanyi. Ya kuwi karo swarané siter. Masmuré Asaf. Kidungan.

²Gusti Allah kuwi kesuwur ing Yéhuda, asmané kesuwur ing Israèl!

³Tarupé wis ing Salèm, lan griyané ing Sion!

⁴Ing kono Gusti wis nugeli panah sing nggilap, tamèng lan pedang lan gaman-gamané perang. Sela

⁵Gemerlapé padang Panjenengan kuwi kwasané ngungkuli pegunungan sing ana wiwit jaman mbiyèn.

⁶Para wong kendel wis pada direbut, pada ngantuk angles, para suradadu kabèh wis pada kaya kélangan kekuwatané.

⁷Duh Gusti Allahé Yakub, awit sangka bebendu Panjenengan, jaran lan sing numpaki pada keturon.

⁸Panjenengan kuwi ngidap-idapi! Sapa sing tahan ing ngarepé Panjenengan yèn Panjenengan nesu?

⁹Panjenengan nibakké putusané pengadilan sangka langit; bumi wedi lan kamitenggengen,

¹⁰waktu Gusti Allah ngadek nggawa pengadilan, lan ngluwari kabèh wong sing ditindes ing bumi. Sela

¹¹Tenan para wong brangasan terus bakal pada memuji marang asma Panjenengan, turahané wong brangasan pada Panjenengan talèni.

¹²Pada ngutyapna janji terus pada bayaren ngadep marang GUSTI Allahmu! Kabèh wong ing ngarepé Gusti, bèn pada masrahaké pisungsung marang Panjenengané sing diwedèni.

¹³Panjenengané sing nglemeské semangaté para pemimpin, Panjenengané sing ngidap-idapi kanggo para ratu ing bumi.