Read Caribbean Javanese Masmur 77 Bible Online

Masmur 77 - Caribbean Javanese bible

Masmur 77

¹Kanggo juru penyanyi. Miturut: Yedutun. Masmuré Asaf.

²Aku nyebut marang Gusti Allah karo swara banter, karo swara banter marang Gusti Allah, supaya ngrungokké aku.

³Ing dina kangèlan aku nggolèki Gusti; ing wayah mbengi tanganku tak angkat, lan ora dadi kesel, nyawaku olèh panglipur.

⁴Yèn aku ngangen-angen marang Gusti Allah, terus aku ngaduh-aduh, yèn tak rasak-rasaké, nyawaku mundak dadi lemes. Sela

⁵Panjenengan nggawé mripat kula tansah kelop-kelop; kula semplak, nganti ora bisa omongan.

⁶Kula mikir-mikir marang lelakonan waktu jaman mbiyèn; kula kèlingan taun-taun sing wis kepungkur.

⁷Ing wantyi wengi kula mikir-mikir njeruhné ati, kula nggagas-nggagas lan nyawa kula nggolèk-nggolèk:

⁸“Gusti apa ya nampik sak lawasé, lan apa ora bakal ngekèki kawelasan menèh?

⁹Katrésnan-Né apa wis entèk sak terusé, perjanjiané apa wis tekan ing pungkasané nganti turun-temurun?

¹⁰Gusti Allah apa wis lali marang sing ditrésnani, kawelasan apa ditugel awit sangka bebenduné?” Sela

¹¹Ing kono tembungku: “Iki sing nyuduk atiku, nanging tangané tengen sing Mahaluhur wis owah!”

¹²Aku bakal ngéling-éling pengawèan-penggawèané GUSTI, ya, kula bakal éling marang mujijat Panjenengan waktu jaman mbiyèn.

¹³Kula bakal nyebut kabèh penggawéané Panjenengan, lan bakal ngélingi marang sak kabèhé penggawéan Panjenengan.

¹⁴Duh Gusti Allah, awit Panjenengan kuwi sutyi! Gusti Allah sing ngendi sing gedé kaya Gusti Allah kita?

¹⁵Panjenengan kuwi Gusti Allah sing nindakké mujijat; Panjenengan wis ngétokké pangwasa Panjenengan ing kumpulané para bangsa.

¹⁶Umat Panjenengan, tyedak turunané Yakub lan Yosèf, wis Panjenengan tebus karo tangan Panjenengan. Sela

¹⁷Duh Gusti Allah, banyu-banyu wis pada weruh Panjenengan, banyu-banyu wis pada weruh Panjenengan lan pada gemeter, malah segara gedé ya ndredek.

¹⁸Mendung nggrojokké banyu, ombaké swarané mendung werna-werna, malah panah Panjenengan pada pating tylorot.

¹⁹Swarané gluduk Panjenengan gembleger, klélap-klélap pada madangi ndonya, bumi gemeter lan gonjang-ganjing.

²⁰Awit Panjenengan ngliwati segara, lan dalan Panjenengan ngliwati banyu sing amba, nanging tlapak tilas Panjenengan ora kétok.

²¹Panjenengan wis nuntun umat Panjenengan kaya nggiring wedus gèmbèl lan wedus, lantaran Moses lan imam Harun.