Read Caribbean Javanese Masmur 82 Bible Online

Masmur 82 - Caribbean Javanese bible

Masmur 82

¹Masmuré Asaf. Gusti Allah ngadek ing rembukané para gusti allahé swarga, ing sak tengahé para allah Panjenengané nindakké pengadilan:

²“Nganti sak pira suwéné enggonmu pada ngadili karo sing ala, lan ngréwangi wong duraka? Sela

³Wong sing mlarat lan botyah lola pada wènèhana adil, wong kasangsaran lan kekurangan pada bélanana wewenangé.

⁴Wong sing sangsara lan sing mlarat pada pitulungana, slametna sangka tangané wong duraka.”

⁵Kuwi wong sing pada ora weruh lan ora ngerti apa-apa, pada mlaku ing pepeteng; kabèh dasaré bumi pada gonjang-ganjing.

⁶Aku wis ngomong mengkéné: “Kowé kabèh kuwi allah, lan pada dadi anaké sing Mahaluhur.

⁷Nanging kowé bakal pada mati kaya manungsa, lan bakal mati kaya salah sakwijiné penggedéné.”

⁸“Duh Gusti Allah, Panjenengan supaya gelem ngadek ngadili bumi, awit kabèh bangsa kuwi duwèké Panjenengan.”