Read Caribbean Javanese Masmur 83 Bible Online

Masmur 83 - Caribbean Javanese bible

Masmur 83

¹Masmuré Asaf: sakwijiné kidungan.

²Duh Gusti Allah, Panjenengan supaya aja meneng, aja mung mangku tangan, duh Gusti Allah!

³Awit mungsuh Panjenengan pada gembruduk, wong sing pada sengit marang Panjenengan pada kemetak,

⁴pada ngrantyam tyara-tyara ala nglawan Panjenengan, lan pada bebarengan bakal nglawan para sing Panjenengan ayomi.

⁵Omongané mengkéné: “Hayuk kita pada ngentèkké bangsa kuwi supaya jenengé Israèl ora katyeluk menèh!”

⁶Tenan, wis pada bebarengan ngrantyam, pada nggawé perjanjian nglawan Panjenengan:

⁷Sing pada manggon ing tarupé bangsa Edom lan Ismaél, bangsa Moab karo Hagar,

⁸Gebal lan Amon lan Amalèk, Filistèn bareng karo wong ing Tirus,

⁹uga Asyur pada dadi siji karo wong-wong iki, pada dadi tangan-sikilé taleré Lot. Sela

¹⁰Kabèh kuwi pada dadèkna kaya bangsa Midian, kaya Siséra lan Yabin ing tyedaké kali Kisyon,

¹¹sing wis pada dientèkké ing Endor, pada dadi rabuké lemah.

¹²Para penggedéné pada dadèkna kaya Orèb karo Seèb, lan kabèh penggedéné kaya Sébah lan Salmuna,

¹³sing pada omongan: “Hayuk pada ngenggoni panggonané omahé Gusti Allah.”

¹⁴Duh Gusti Allah kula, wong kuwi pada dadèkna kaya dedak sing mabul-mabul, kaya kulit gabah sing kabur karo angin.

¹⁵Kaya geni sing ngobong alas, lan kaya urupé geni sing nggosongké gunung-gunung,

¹⁶pada diuyaka karo lésusé Panjenengan, lan dadèkna kagèt karo lésus Panjenengan.

¹⁷Rainé pada kebuntela karo kisinan, supaya pada nggolèki asma Panjenengan, duh GUSTI.

¹⁸Ya bèn pada ngalami kisinan lan kagèt tekan sak lawasé, pada kisinan lan terus pada entèk,

¹⁹supaya pada weruh, yèn mung Panjenengan sing asma GUSTI, sing Mahaluhur lan ngwasani ing sak lumahé bumi.