Read Caribbean Javanese Masmur 84 Bible Online

Masmur 84 - Caribbean Javanese bible

Masmur 84

¹Kanggo juru penyanyi. Miturut nyanyian: Gitit. Masmuré turunané Korah.

²Tenan anggèné nyenengké griya Panjenengan, duh GUSTI sing ngwasani langit lan bumi!

³Nyawa kula remuk awit kangen marang platarané GUSTI, ati karo raga kula pada bungah-bungah tumuju marang Gusti Allah sing urip.

⁴Uga manuk tyilik wis olèh omah, lan manuk sriti olèh susuh, kanggo nyèlèhké anaké, ing mesbèh Panjenengan, duh GUSTI, sing ngwasani langit lan bumi, Ratu kula lan Gusti Allah kula.

⁵Rahayu wong sing pada manggon ing griya Panjenengan, lan tansah ngluhurké asma Panjenengan. Sela

⁶Rahayu wong sing kekuwatané ing Panjenengan, sing nduwé karep bakal jiyarah.

⁷Yèn mlaku ing legokan sing garing, kuwi didadèkké panggonan sing ana sumberé; tur dilubèri karo berkahé udan kaping pisan.

⁸Mlakuné mundak suwé mundak kuwat, bakal teka ing ngarepé Gusti Allah ing Sion.

⁹Duh GUSTI, sing ngwasani langit lan bumi, Panjenengan supaya gelem ngrungokké pandonga kula, supaya gelem ngrungokké kula, duh Gusti Allahé Yakub. Sela

¹⁰Duh Gusti Allah, Panjenengan supaya gelem weruh tamèngé kita, supaya gelem nyawang marang praupané sing Panjenengan jebati!

¹¹Ing plataran Panjenengan sedina kuwi apiké ngliwati 1000 dina ing liya panggonan; kula arep ngadek ing lawangé griyané Gusti Allah kula, kuwi luwih apik tenimbang manggon ing tarupé wong duraka.

¹²Awit Gusti Allah, GUSTI dadi srengéngéné lan tamèngé; Panjenengané ngekèki kawelasan lan kamulyan; Gusti ora ngendek samubarang sing betyik marang wong sing mlakuné tanpa tyiri.

¹³GUSTI sing ngwasani langit lan bumi, rahayu wong sing pertyaya marang Panjenengan.