Read Caribbean Javanese Masmur 88 Bible Online

Masmur 88 - Caribbean Javanese bible

Masmur 88

¹Kidungan. Masmur turunané Korah. Kanggo juru penyanyi, miturut nyanyian: Mahalat Leanot. Kidung piwulangé Héman, wong Esrahi.

²Duh GUSTI, Gusti Allah sing ngluwari kula ing wantyi awan kula sambat, ing wantyi wengi kula teka ing ngarepé Panjenengan.

³Pandonga kula supaya tekan ing ngarepé Panjenengan, Panjenengan supaya gelem ngrungokké sambat kula.

⁴Awit nyawa kula warek karo kasusahan, lan urip kula wis tyedak karo ndonyané wong mati.

⁵Kula wis dianggep para wong sing medun ing kubur, lan kaya wong sing tanpa kekuwatan.

⁶Kula kudu tyampur karo para wong mati, kaya wong sing pada mati awit dipatèni, gemlétak ing kubur, sing ora Panjenengan élingi menèh, awit wis pada pedot sangka pangwasané Panjenengan.

⁷Kula wis Panjenengan sèlèhké ing juglangan kuburan sing ngisor déwé ing njeruhné pepeteng, ing panggonan sing jeru.

⁸Kula dipenet karo panasé bebendu Panjenengan, wis dibyuki karo ombak Panjenengan kabèh. Sela

⁹Kantyaku kabèh wis pada Panjenengan adohaké sangka kula, kula wis Panjenengan gawé reget kanggo wong-wong iki, kula dikurung ora bisa metu.

¹⁰Mripat kula nggerong awit ngalami kasangsaran. Duh GUSTI, kula wis sambat marang Panjenengan sedina muput lan wis ngatungké tangan kula marang Panjenengan.

¹¹Panjenengan apa bakal nindakké mujijat kanggo wong sing pada mati, rohé apa bakal tangi lan ngidungké maturkesuwun marang Panjenengan? Sela

¹²Kawelasan Panjenengan apa bisa dityeritakké ing kubur, lan kasetian Panjenengan ing pangrusakan?

¹³Mujijat-mujijat Panjenengan apa bisa diduduhké ing panggonané wong mati, lan keadilan Panjenengan ing negarané kabèh pada lali?

¹⁴Nanging, duh GUSTI, kula kuwi sambat marang Panjenengan, ing wantyi ésuk Panjenengan kula papak karo pandonga kula.

¹⁵Duh GUSTI, kenèng apa nanging kula Panjenengan buwang, lan praupan Panjenengan, Panjenengan éngokké sangka kula?

¹⁶Wiwit tyilik mila kula ditindes lan diantyam karo pati, kula wis nyangga sing medèni sangka Panjenengan, kula rumangsa tanpa pengarep-arep.

¹⁷Kula katekan karo panasé bebendu Panjenengan, lan kebungkem karo sing medèni sangka Panjenengan.

¹⁸Kuwi ing sedina muput nutupi kula kaya banyu, nganti kemput enggèn kula dikepung.

¹⁹Sedulur lan kantya Panjenengan adohké sangka kula, mung pepeteng sing dadi kantya kula.