Read Caribbean Javanese Masmur 91 Bible Online

Masmur 91 - Caribbean Javanese bible

Masmur 91

¹Wong sing manggon ing pangayomané sing Mahaluhur lan nginep ing pengayomané sing Mahakwasa,

²kuwi bakal nyebut GUSTI mengkéné: “Pangungsèn lan bèntèng kula, Gusti Allah kula sing kula endelaké.”

³Tenan Panjenengané kuwi sing bakal nylametaké kowé sangka jireté tukang njala, lan sangka lara pès sing mbebayani.

⁴Kowé bakal dikemuli karo sewiwi-Né, bakal dislametké ing sak ngisoré sewiwi-Né, kasetian-Né kuwi kanggo tamèng lan pager témbok.

⁵Kowé ora usah wedi marang bebaya ing wayah mbengi, marang panah sing nylorot ing wayah awan,

⁶marang lara pès sing mlaku ing pepeteng, lan marang lara pès sing ngamuk ing wayah soré.

⁷Senajan ing sandingmu ana wong sing ambruk 1000, lan 10.000 ing tengenmu, nanging kowé déwé ora bakal dikenèng;

⁸kuwi mung kok sawang karo mripatmu, lan weruh balesané marang para wong duraka.

⁹Awit GUSTI kuwi dadi pangayomanmu, sing Mahaluhur kuwi wis kok dadèkké pangayomanmu,

¹⁰Kowé ora bakal katekan tyilaka, lan ora ana bebendu sing nyedaki tarupmu;

¹¹awit Gusti bakal mréntah para mulékaté kanggo kowé, supaya njaga kowé ing kabèh dalanmu.

¹²Kowé bakal ditadahi karo tangané, supaya kowé aja nganti kesandung karo watu.

¹³Singa lan ula upas bakal pada kok langkahi, singa nom lan ula naga bakal kok idak-idak.

¹⁴“Tenan, atiné rumaket marang Aku, mulané bakal Tak luwari, bakal Tak pageri kuwat awit kenal marang asma-Ku.

¹⁵Yèn sambat marang Aku, bakal Tak rungokké, ing sak njeruhné kangèlan bakal Tak tuntun, bakal Tak etokké lan Tak luhurké,

¹⁶bakal Tak wareki karo umur dawa, lan keslametan-Ku bakal Tak duduhké marang dèwèké.”