Read Caribbean Javanese Masmur 95 Bible Online

Masmur 95 - Caribbean Javanese bible

Masmur 95

¹Hayuk pada surak-surak ing ngarepé GUSTI, surak-surak kanggo Gunung watu keslametan kita.

²Hayuk pada madep ing ngarepé karo kidung maturkesuwun, surak-surak karo kidung masmur ing ngarepé.

³Awit GUSTI kuwi Gusti Allah sing gedé, lan Ratu gedé sing ngungkuli kabèh allah.

⁴Telengé bumi ing tangan-Né, putyuké gunung-gunung kuwi uga duwèké.

⁵Segara uga duwèké, Panjenengané sing nggawé, lan tangan-Né sing nggawé daratan.

⁶Mlebua, hayuk pada ndingkluk sujut, pada nyembah ing ngarepé GUSTI, sing nggawé kita,

⁷awit Panjenengané kuwi Gusti Allah kita, kita kuwi umat ngon-ngonan-Né, pepantan wedus gèmbèl rumatan-Né. Ing dina iki kowé mbok ya pada ngrungokké swara-Né!

⁸Kowé aja ngatoské atimu kaya waktu nang Mériba, kaya ing wantyi ing Masa nang ara-ara samun,

⁹waktu leluhurmu pada njajal Aku, pada njajal Aku, senajan wis pada weruh penggawéan-Ku.

¹⁰Patang puluh taun suwéné enggon-Ku pegel ing ati bab kuwi. Tembung-Ku: “Kuwi bangsa sing kesasar atiné, pada ora weruh dalan sing Tak duduhké.”

¹¹Mulané Aku wis sumpah sak njeruhné nesu-Ku: “Wong-wong kuwi mesti ora bakal mlebu ing panggonan-Ku.”