Read Caribbean Javanese Masmur 98 Bible Online

Masmur 98 - Caribbean Javanese bible

Masmur 98

¹Masmur. GUSTI nyanyèkké kidung anyar, awit Panjenengané wis nindakké mujijat; kamenangan wis ditindakké karo Panjenengané karo tangan-Né sing tengen lan lengen-Né sing sutyi.

²GUSTI wis nawaké keslametan sangka Panjenengané, lan wis nglairké keadilané ing ngarepé mripaté para bangsa.

³Gusti wis éling karo katrésnané lan kasetiané marang brayaté Israèl, kabèh pojokané bumi wis pada weruh keslametan sangka Gusti Allah kita.

⁴Hé bumi kabèh, pada surak-suraka ing ngarepé GUSTI, pada bungah-bungaha, surak-suraka lan ngidunga masmur!

⁵Pada ngidunga masmur kanggo GUSTI karo siter, karo siter lan nyanyian karo swara banter,

⁶karo swarané nafiri lan trompèt sing banter, pada surak-suraka ing ngarepé Ratu, ya kuwi GUSTI!

⁷Segara sak isiné bèn pada gemrubuk, mengkono uga, ndonya uga sing pada ngenggoni.

⁸Kali-kali bèn pada keplok-keplok, lan gunung-gunung bèn pada surak-surak bebarengan

⁹ing ngarepé GUSTI, awit Panjenengané teka ngadili bumi, ndonya bakal diadili karo sak beneré, lan para bangsa karo kabeneran.