Read Caribbean Javanese Wulang Bebasan 26 Bible Online

Wulang Bebasan 26 - Caribbean Javanese bible

Wulang Bebasan 26

¹Kaya tibané salju ing waktu panas lan tibané udan ing waktu panèn, kaya mengkono wong bodo ora pantes dihurmati.

²Kaya manuk emprit mabur bablas, utawa kaya manuk sriti mabur, ya mengkono sepata-sepata sing tanpa guna ora bakal mempan.

³Petyut kuwi kanggo jaran, kendali kanggo kimar, lan gebuk kanggo gegeré wong bodo.

⁴Enggonmu nyauri marang wong bodo aja miturut kabodoané, supaya kowé déwé aja dadi pada karo wong kuwi.

⁵Enggonmu nyauri marang wong bodo kudu kaya kabodoané, supaya wong kuwi aja rumangsa pinter.

⁶Sapa sing kongkonan wong bodo, kuwi ngetok sikilé déwé lan ngombé tyilaka.

⁷Wulang bebasan ing tutuké wong bodo, kuwi kaya sèngklèhé sikilé wong lumpuh.

⁸Kaya watu sing ketalènan bandil, ya kaya mengkono wong sing ngurmati wong bodo.

⁹Wulang bebasan ing tutuké wong bodo, kuwi kaya waé eri sing mantyep ing tangané wong mendem.

¹⁰Sapa sing mburuhké marang wong bodo lan wong sing mbeneri liwat, kuwi kaya wong manah sing natoni saben wong.

¹¹Kaya asu sing mbalèni utah-utahané, kaya mengkono wong bodo enggoné mbolan-mbalèni kabodoané.

¹²Yèn kowé weruh wong sing rumangsa pinter, pengarep-arepé wong bodo luwih okèh tenimbangané wong kuwi mau.

¹³Semauré wong males: “Ing dalan ana singa, ana singa ing dalan!”

¹⁴Kaya tutupé lawang mingar-minger karo èngsèlé, kaya mengkono wong males ing peturoné.

¹⁵Wong males nyelupké tangané ing mangkok, awit sangka keselé ora bisa mbalèkké ing tutuké.

¹⁶Wong males rumangsa pinter, ngungkuli wong pitu sing titis semauré.

¹⁷Sapa sing nyampuri perkara paduné wong liyané, kuwi kaya wong sing nyandak kupingé asu sing ijik liwat.

¹⁸Kaya wong edan sing ngetyulké panah geni, panah lan pati,

¹⁹ya kaya mengkono wong sing ora jujur marang sak pepadané, lan ngomong: “Aku mung gegujon waé.”

²⁰Yèn kayuné entèk, geni mati, yèn si tukang seneng ngarani ala ora ana, tukaran sirep.

²¹Kaya areng kanggo mawa geni lan kayu kanggo geni, mengkono uga kanggoné wong seneng padu, mung ndadèkké nemené tukaran.

²²Tembungé si tukang seneng ngarani ala kuwi kaya panganan sing énak-énak, sing terus mlebu ing telengé ati.

²³Lambé alus karo ati sing ala, kuwi kaya petyahan kwali sing dilapisi slaka.

²⁴Wong sengit kuwi étok-étok karo lambéné, nanging batiné meteng goroh.

²⁵Aja ngandel senajan tembungé alus, awit penggawéan duraka pitung werna ing atiné.

²⁶Rasa sengit kuwi senajan ditutupi karo ngapus, durakané bakal kebukak ing pasamuan.

²⁷Sapa sing ngeduk juglangan bakal ketyemplung déwé, lan sing ngglundungké watu, watuné bakal bali nibani awaké déwé.

²⁸Ilat goroh sengit marang wong sing wis dadi kurbané, lan tutuk lunyu nggawé karusakan.