Read Caribbean Javanese Wulang Bebasan 9 Bible Online

Wulang Bebasan 9 - Caribbean Javanese bible

Wulang Bebasan 9

¹Kawityaksanan wis nggawé omahé, lan wis ngedekké tyagaké pitu,

²wis mbelèh kéwan-kéwan belèhan, wis nyampur angguré, lan wis nyawiské suguhané.

³Para abdiné wadon wis pada dipréntahké mbengok-mbengok ing panggonan sing duwur ing kuta, bengokané:

⁴“Sapa sing ora nduwé pengalaman, pada mrénéa,” lan para wong sing tyupet pikirané, dipréntahké mengkéné:

⁵“Hayuk pada mangana roti pawèh-Ku, lan ngombéa anggur sing wis Tak tyampur;

⁶ninggala kebodoan, supaya pada urip, lan nuruta dalané pangertèn.”

⁷Sapa sing mulangi wong sing seneng memoyok, kuwi nekakké pemoyok marang awaké déwé, lan sapa sing melèhké wong duraka, olèh tyatyat.

⁸Aja melèhké wong sing seneng memoyok, supaya kowé ora disengiti, wong wityaksana kuwi welèhna, kowé bakal ditrésnani.

⁹Wong wityaksana pituturana, nganti kawityaksanané mundak, wong bener wulangna, nganti bakal mundak kaweruhé.

¹⁰Wedi lan ngajèni marang GUSTI kuwi wiwitan kawityaksanan, lan kenal marang sing Mahasutyi kuwi pangertèn.

¹¹Awit sangka Aku umurmu ditambahké, lan taun-tauné uripmu ditambahi.

¹²Yèn kowé wityaksana, kawityaksananmu kuwi kanggo kowé déwé, lan yèn kowé seneng memoyok, kuwi kowé déwé sing bakal nanggung.

¹³Wong wadon bodo kuwi tyriwis, banget enggoné ora nduwé pengalaman lan ora nduwé isin.

¹⁴Lungguh ing ngarepé lawangé omahé, ing kursi ing panggonané sing duwur ing kuta,

¹⁵lan wong sing pada mlaku liwat ing dalan, sing jujur mlakuné pada diundang, omongé:

¹⁶“Sapa sing ora nduwé pengalaman, kuwi pada mrénéa,” lan wong sing tyupet pikirané kuwi diomongi:

¹⁷“Banyu tyolongan kuwi legi, lan roti sing dipangan karo ndelik-ndelik kuwi énak.”

¹⁸Nanging wong sing tyupet ing pikiran mau ora weruh yèn ing kono panggonané roh-roh peteng lan wong-wong sing diampérké wong wadon mau ing ndonyané wong mati.