Read Caribbean Javanese Kidung Luhur 1 Bible Online

Kidung Luhur 1 - Caribbean Javanese bible

Kidung Luhur 1

¹Kidung Agungé Salomo.

²Aku supaya diambungi karo lambéné! Awit katrésnanmu kuwi énaké ngliwati anggur,

³lengamu wangi ambuné, asmamu kaya waé lenga larang sing disuntak, mulané para prawan enom pada trésna marang sampéyan.

⁴Kula supaya sampéyan gèrèt ing mburi sampéyan, hayuk pada gelis-gelis lunga! Ratu wis nggawa aku ing njeruhné kamaré. Kita pada bakal surak-surak lan pada bungah awit sangka sampéyan, kita pada bakal ngelem-elem katrésnan sampéyan ngungkuli anggur! Wis sak mestiné para prawan enom trésna marang sampéyan!

⁵Duh para putri ing Yérusalèm, pantyèn kulitku ireng lan ayu, kaya tarupé bangsa Kedar, kaya slambu-slambuné ning kratoné Salomo.

⁶Aja kok gatèkké enggonku ireng, awit panasé srengéngé nggosongké aku. Anak-anaké ibuku pada muring-muring marang aku, aku didadèkké penjaga kebon anggur, kebon anggurku déwé ora tak opèni.

⁷Duh jantungé atiku, kula supaya kok tyritani, ing ngendi enggèn sampéyan angon wedus, ing ngendi enggèn sampéyan ngendekké kumpulan wedus sampéyan ing wantyi soré? Awit kenèng apa yèn kula dadi kaya wong nglembara[1] tyedak kumpulané wedus kantya-kantya sampéyan?

⁸Duh wong wadon sing ayu déwé ing sak tengahé para wong wadon, yèn kowé durung weruh, ngetutna tipak-tipaké wedus lan angona wedus-wedus berokmu ing sak tyedaké tarup-tarupé para pangon.

⁹Duh katrésnanku, kowé tak umpamakké jarané wédok kréta tumpakané Parao.

¹⁰Pipimu kétok apik ing tengahé rerégan, mengkono uga gulumu sing nganggo kalung okèh.

¹¹Kowé arep tak gawèkké rerégan-rerégan emas karo benik-benik slaka.

¹²Sak suwéné ratu njagong mangan, narwastuku mambu wangi.

¹³Katrésnanku kuwi kanggo aku kaya mur sak buntel, keselip ing antarané susuku.

¹⁴Katrésnanku kuwi kanggo aku kaya kembang patyar sak dompol, ing kebon anggur ing En-Gedi.

¹⁵Delengen katrésnanku, kowé kuwi ayu, tenan ayu kowé kuwi, mripatmu kaya manuk dara.

¹⁶Duh katrésnanku, sampéyan kuwi ngganteng, tenan narik ati, suket ijo bakal dadi ambèn kita.

¹⁷Balok-baloké omah kita kayu tyemara, blandaré kayu eru.