Read Caribbean Javanese Kidung Luhur 6 Bible Online

Kidung Luhur 6 - Caribbean Javanese bible

Kidung Luhur 6

¹Menyang ngendi lungané katrésnanmu, hé, wong ayu ing sak tengahé para wong wadon? Menyang ngendi nujuné mlakuné katrésnanmu, kita pada arep ngréwangi nggolèki.

²- Katrésnanku lunga menyang kebon, ing bèdèng-bèdèngan wangi-wangian, angon ing kebonan lan metiki kembang bakung.

³Aku iki duwèké katrésnanku, lan katrésnanku kuwi duwèkku, sing angon ing sak tengahé kembang bakung.

⁴Kowé kuwi ayu, duh katrésnanku, kaya kuta Tirsa, ayumu kaya kuta Yérusalèm, ngidap-idapi kaya suradadu karo gendérané.

⁵Mripatmu aja ngewaské marang aku, awit aku dadi bingung sangka kuwi. Rambutmu dadi kaya kumpulan wedus, sing mudun ngombak-ombak sangka gunung Giléad.

⁶Untumu kaya waé kumpulan wedus gèmbèl putih, sing njedul sangka guyangan, kabèh pada manak kembar, ora ana sing ora nduwé anak.

⁷Pilinganmu kaya woh mulwa disigar, ing ngisoré kudungmu.

⁸Senajan ratu wadon ana suwidak, bojoné wayuh wolung puluh, lan para prawan tanpa itungan tyatyahé.

⁹Nanging mung dèwèké sing dadi manuk daraku, idam-idamanku, anaké ibuné sing ora ana tunggalé, sing ditrésnani karo sing nglairké, para wong wadon pada weruh lan ngarani beja, para ratu wadon lan para bojoné wayuh pada ngelem-elem.

¹⁰“Sapa kaé sing njedul kaya waé ésuké wétan, ayu kaya sasi mbulan bunder, semlorot kaya srengéngé, ngidap-idapi kaya suradadu karo gendérané?”

¹¹Aku medun menyang kebon kenari-noto, weruh kuntyup-kuntyup ing legokan, niliki apa wité anggur wis kuntyup lan wit-wité mulwa apa wis kembang.

¹²Aku ora éling aku déwé, kangenku njagongké aku, ing krétané wong luhur.

¹³Duh prawan Sulam, balia, balia, balia, balia, supaya aku bisa nyawang kowé. Kenèng apa kowé seneng nyawang prawan Sulam kuwi kaya ndeleng jogètan ing antarané rong kumpulan tarup?[2]