Read Caribbean Javanese Yésaya 12 Bible Online

Yésaya 12 - Caribbean Javanese bible

Yésaya 12

¹Ing waktu kuwi kowé bakal ngomong: “Kula bakal ngidungké maturkesuwun marang Panjenengan, duh GUSTI, awit senajan Panjenengan wis nesu marang kula, nanging bebendu Panjenengan wis mandek lan Panjenengan terus nglipur kita.

²Gusti Allah kuwi tenan dadi keslametanku; aku pertyaya ora karo gemeter, awit GUSTI kuwi kekuwatané lan masmurku, Panjenengané wis dadi keslametanku.”

³Ing kono kowé bakal pada ngangsu karo bungah ing sumberé keslametan.

⁴Ing waktu kuwi kowé bakal pada ngomong: “Pasraha maturkesuwun marang GUSTI, pada nyebuta marang asma-Né, penggawéané pada ngertènana ing antarané para bangsa, kenalké, yèn asmané kuwi luhur!

⁵Pada ngidunga masmur kanggo GUSTI, awit penggawéané kuwi mulya; bab iki apik diandarké ing sak lumahé bumi!

⁶Pada bungah-bungaha lan surak-suraka, hé wong sing pada manggon ing Sion, awit sing Mahasutyi, Gusti Allahé Israèl, kuwi gedé ing sak tengahmu!”