Read Caribbean Javanese Yésaya 15 Bible Online

Yésaya 15 - Caribbean Javanese bible

Yésaya 15

¹Utyapané Gusti bab Moab. Lah sak njeruhné sewengi Ar-Moab wis dirusak, dientèkké; lah sak njeruhné sewengi Kir-Moab wis dirusak, dientèkké!

²Wong-wongé lunga nang omahé dewa lan wong Dibon munggah ing puntuk-puntuk pangurbanané perlu nangis; Moab, ngaduh-aduh awit sangka Nébo lan awit sangka Médeba. Kabèh wong pada nggunduli sirahé ing kono lan nyukur jénggoté kanggo tanda kasusahan.

³Wong pada nganggo salin kasusahan ing ndalan, ing payon lan ing alun-alun wong kabèh pada ngaduh-aduh, tiba nangis.

⁴Hèsbon lan Eléalé pada nangis nggeruh-nggeruh, swarané nganti krungu tekan Yahas. Awit sangka kuwi para suradadu Moab sing nganggo gaman pada mbengok, nyawané gemeter.

⁵Aku mbengok awit Moab; wong sing ngungsi wis pada tekan Soar, ing Eglat-Selisia. Lah wong pada ngunggahi unggah-unggahan Luhit karo nangis; lan ing dalan sing menyang Horonaim wong pada njerit awit kena karusakan.

⁶Lah kali ing Nimrin dadi sat, dadi ara-ara samun suketé wis garing, suket nom wis entèk, tetukulan wis ora ana sing ijuh.

⁷Awit sangka kuwi kabèh banda sing ditumpuk lan samubarang kabèh sing disimpen pada digawani menyang sabrangé kali Haarabim.

⁸Lah jeritané mau, bakal krungu tekan sak tanah pangwasané Moab kabèh, tangisé krungu nganti tekan Eglaim, malah nganti tekan Beer-Elim.

⁹Awit banyu ing Dimon wis kebak getih, nanging sing nibani marang Dimon kuwi bakal Tak tambahi menèh, ya kuwi singa bakal ndekep para wong sing bisa utyul sangka Moab lan sing ijik ing negara kono.