Read Caribbean Javanese Yésaya 18 Bible Online

Yésaya 18 - Caribbean Javanese bible

Yésaya 18

¹Tyilaka! Negara kemrisiké swiwi ing sabrangé kali-kali negara Etiopia,

²sing ngirimké para kongkonan ngliwati segara karo prau-prau pandan ngliwati nduwuré banyu! Lungaa, hé para kongkonan sing tyepet, nemoni bangsa sing duwur dedekké lan sing klimis kulitané, marang golongan sing diwedèni ing ngendi-endi ya kuwi bangsa sing ulet lan seneng nindes, sing negarané keterjang karo kali-kali!

³Hé kabèh wong sing manggon ing ndonya, hé para wong sing manggon ing bumi! Yèn gendéra didekké ing gunung-gunung, pada delengen; yèn trompèt diunèkké, pada rungokna!

⁴Awit mengkéné tembungé GUSTI marang aku: “Aku bakal weruh sangka panggonan-Ku karo ora obah, kaya hawa panas sing umup ing waktu panas panasé, kaya pedut ing panasé waktu panèn.”

⁵Awit sak durungé usum wowohan, yèn waktuné kembang wis mandek, lan dompolané pentil wis dadi woh anggur sing arep mateng, Gusti bakal ngetoki pangé karo arit, lan pangé ketokan disingkirké.

⁶Kuwi kabèh bakal ditinggal tumpukan kanggo manuk galak ing pegunungan, lan kanggo kéwan-kéwan ing alas. Ing waktu panas manuk-manuk galak bakal pada manggon ing kono lan sak kabèhé kéwan ing alas ing waktu bediding.

⁷Ing waktu kuwi uga pisungsung bakal dipasrahké marang GUSTI sing ngwasani langit lan bumi karo bangsa sing duwur dedekké lan klimis kulitané lan karo bangsa ing ngendi-endi diwedèni, ya kuwi bangsa sing kekuwatané ulet lan seneng nindes, sing negarané keterjang karo kali-kali, menyang panggonané GUSTI sing ngwasani langit lan bumi, ya kuwi gunung Sion.