Read Caribbean Javanese Yésaya 35 Bible Online

Yésaya 35 - Caribbean Javanese bible

Yésaya 35

¹Ara-ara samun lan lemah garing bakal pada bungah, ara-ara samun bakal surak-surak lan ngetokké kembang;

²bakal metu kembangé okèh banget kaya kembang bakung, bakal surak-surak, bakal surak-surak lan bungah-bungah. Bakal dikèki kamulyané Libanon kaluhurané Karmèl lan Saron; bakal pada weruh kamulyané GUSTI, kaluhurané Gusti Allah kita.

³Tangan sing lemes lempé-lempé pada kuwatna lan dengkul sing téklok pada kuwatna.

⁴Ngomonga marang para wong sing wedi atiné: “Sing pada tatak, aja pada wedi! Gusti Allahmu bakal teka arep ngekèki balesan lan ganjarané Gusti Allah. Panjenengané piyambak sing teka arep nylametaké kowé kabèh.”

⁵Ing waktu kuwi mripaté para wong lamur bakal pada dimelèké, lan kupingé para wong budek bakal pada dibukak.

⁶Ing waktu kuwi wong lumpuh bakal mlumpat-mlumpat kaya menjangan, lan tutuké wong bisu bakal surak-surak; awit ara-ara samun bakal ngetokké sumber, lan ara-ara samun bakal ana kaliné;

⁷tanah wedi sing anget bakal dadi blumbang, lan tanah sing ngerak bakal dadi sumber; panggonan asu alasan bakal ketukulan tebu lan pandan.

⁸Ing kono bakal ana dalané, sing bakal diarani Dalan Sutyi; wong sing reget ora bakal liwat ing kono lan para wong bodo ora bakal pada kluyuran mrana.

⁹Ing kono bakal ora ana singané, kéwan galak ora bakal saba mrana lan ora bakal ketemu ing kono; mung para wong sing wis pada dislametké sing bakal pada mlaku ing kono,

¹⁰lan para wong sing wis dibébaské karo GUSTI sing bakal pada mulih lan mlebu ing Sion karo surak-surak, kebak karo kabungahan sing langgeng; bakal pada kebak kesenengan pantyèn pada bungah, kasusahan lan sambat bakal pada ngadoh.