Read Caribbean Javanese Yéhèskièl 15 Bible Online

Yéhèskièl 15 - Caribbean Javanese bible

Yéhèskièl 15

¹Terus ana tembungé GUSTI marang aku mengkéné:

²“Hé, anaké manungsa, apa keluwihané kayu anggur yèn ditanding karo kabèh kayu sing tukul ana sak tengahé wit-witan ing alas?

³Apa wong njupuk kayuné anggur kanggo nggawé barang dandanan utawa kanggo nggawé tyantèlan kanggo nyantèlké werna-werna piranti?

⁴Ora, sejatiné kayu kuwi terus diuntyalké ing geni, bongkot lan putyuké entèk kobong lan sing tengah ijik murup, apa kuwi ijik migunani kanggo penggawéan?

⁵Ijik wutuh waé ora kanggo apa-apa, luwih menèh bareng wis dipangan karo geni lan kobong; apa ijik kena kanggo apa-apa?

⁶Mulané mengkéné tembungé GUSTI: Kaya déné kayu anggur ing antarané wit-witan ing alas, sing Tak untyalké ing geni supaya kobong, semono uga Yérusalèm ya bakal Tak tibani mengkono.

⁷Aku déwé sing bakal nglawan. Senajan pada bisa utyul sangka geni, nanging bakal dipangan karo geni. Kowé terus bakal pada weruh, yèn Aku iki GUSTI, ya kuwi waktu Aku ijik nglawan,

⁸lan negara kuwi bakal Tak dadèkké sepi mamring, awit pada ora setia. Mengkono tembungé GUSTI.”